Polşa vətəndaşları ABŞ-a vizasız gedə biləcək


21:36     06 Noyabr 2019 19_11_06_1573061888.jpg

Noyabrın 11-dən etibarən Polşa vətəndaşları ABŞ-a vizasız gedə və ölkədə 90 gün qala biləcəklər.

Femida.az “TASS” agentliyinə istinadən xəbər verir ki, bu barədə ABŞ-ın daxili təhlükəsizlik naziri Kevin Makelinenin yaydığı açıqlamada deyilir.

“11 Noyabr 2019 tarixindən etibarən Polşa vətəndaşları ABŞ vizası olmadan 90 günə qədər səyahət və ya iş məqsədi ilə ABŞ-a gəlmək üçün müraciət edə biləcəklər”, - deyə sənəddə qeyd olunur.

Nazir Makelinen bildirib ki, “Polşanın vizasız giriş proqramına daxil olması iki ölkə arasında mövcud olan xüsusi münasibətlərə, ortaq təhlükəsizlik məqsədlərinin icrası istiqamətində davam edən dostluq və sıx əməkdaşlığa bir sübutdur”

Açar sözlər:

Oxunub: 105