Azərbaycan Vəkilləri gürcü həmkarlarının 100 illik tədbirində - Fotolar
15:26 08 Noyabr 2019
Bu gün Gürcüstanın Tiflis şəhərində Avropa Şurası və Gürcüstan Vəkillər Kollegiyasının birgə təşkilatçılığı ilə Gürcüstan vəkilliyinin 100 illiyinə həsr olunmuş “Ədalət mühakiməsinin səmərəli idarə olunmasında vəkillər kollegiyaları və hüquq cəmiyyətlərinin rolu” mövzusunda beynəlxalq konfrans keçirilib.
Səfər çərçivəsində konfransdan əvvəl Vəkillər Kollegiyasının sədri Anar Bağırovun rəhbərlik etdiyi nümayəndə heyəti İran Vəkillər Kollegiyasının sədri Murtuza Şahbazinianın rəhbərlik etidiyi iranlı vəkillərdən ibarət heyət ilə Tiflis şəhərində Ulu öndər Heydər Əliyevin xatirəsinə ucaldılmış büstün önünə əklil qoymuş, Dahi liderin əziz xatirəsini yad edib.
Daha sonra Avropa Vəkillər Kollegiyaları və Hüquq Cəmiyyətləri Şurası (CCBE), Beynəlxalq Vəkillər Kollegiyaları Assosiyasının (IBA), Hüquqşünasların Avropa Assosiasiyasının (AEA-EAL), habelə Azərbaycan, Rusiya, Türkiyə, İran, Polşa, Ukrayna, Özbəkistan və digər ölkələrin vəkillər kollegiyalarının nümayəndələrinin iştirirakı ilə keçirilən konfransda vəkil peşəsinin müstəqilliyi, vəkillər kollegiyaları arasında səmərəli əməkdaşlığın əhəmiyyəti, vəkillərin sosial şəbəkələrdən istifadəsi və buradan qaynaqlanan peşə etikası məsələləri və s. mövzular ətrafında yerli və beynəlxalq ekspertlərin çıxışları dinlənilib.
Azərbaycan Respublikasının Vəkillər Kollegiyası konfransda Anar Bağırovun rəhbərlik etdiyi nümayəndə heyəti ilə təmsil olunub. Vəkillər Kollegiyasının sədri Anar Bağırov konfransın mövzusu ətrafında təqdimatla çıxış edib. Öz çıxışında Kollegiyanın sədri gələcəkdə Avropa Şurası tərəfindən “Vəkil peşəsi barədə Avropa Konvensiyası”nın qəbulunun zəruriliyi, xüsusilə aidiyyəti beynəlxalq sənədlərin tələblərinə uyğun olaraq vəkillərin maraqlarının müdafiəsində kollegiyalar ilə dövlət orqanları arasında əməkdaşlıq, ölkəmizdə vəkillərin sərbəst fəaliyyətinin təmin edilməsi istiqamətində Kollegiya tərəfindən atılan addımlar, vəkillər kollegiyaları ilə beynəlxalq peşə təşkilatları, habelə kollegiyalar ilə KİV arasında peşəkar əməkdaşlıq münasibətlərinin qurulmasının vacibliyini vurğulayıb.
Femida.az
Oxunub: 1313
Oxşar xəbərlər
- 9-cu sinif şagirdini hansı cəza gözləyir? - Vəkil Sadiq Əfəndiyevdən açıqlama
- Vilyam Hacıyevin vəkili təkrar ekspertizanın keçirilməsini istəyir
- Tanınmış vəkil: "Polis şöbəsində zorakılığa məruz qaldım"
- Azərbaycanda qadın vəkillərin sayı açıqlanıb
- Millət Vəkili sensasion korrupsiya faktını AÇIQLADI- VİDEO
- Vəkil arvadını güllələyən polisin məhkəməsində tərkibin dəyişdirilməsini istəyib
- Vəkillər Kollegiyasının sədri vəkilliklə bağlı qanuna dəyişikliyin olunmasını təklif edir
- Azərbaycanda vəkil və müstəntiqlər üçün yeni müayinə məntəqəsi yaradılıb
- Şair Əli Vəkil vəfat edib
- Vəkillər "İdeal”ın həbsdə olan keçmiş rəhbərinə bəraət istəyiblər