Elinanın ailəsi apellyasiya şikayəti verib - Daha ağır cəza istəyirlər
11:58 13 Noyabr 2019
Elina Hacıyevanın ölümünə səbəb olmaqda təqsirləndirilən 162 nömrəli tam orta məktəbin keçmiş direktoru Sevinc Abbasova barəsində olan hökmdən zərərçəkmiş tərəf apellyasiya şikayəti verib.
Bu barədə APA-ya Elina Hacıyevanın ailəsinin nümayəndəsi Sevinc Əliyeva məlumat verib.
O bildirib ki, Səbail rayon Məhkəməsinin hökmündən Bakı Apellyasiya Məhkəməsinə şikayət veriblər.
Direktor Sevinc Abbasovanın vəkili Sadiq Bağırov isə APA-ya bildirib ki, müvəkkili barəsində olan hökmdən bu gün apellyasiya şikayəti verəcəklər.
Qeyd edək ki, Bakı şəhəri Səbail rayonu 162 nömrəli tam orta məktəbin 8-ci sinif şagirdi, 2004-cü il təvəllüdlü Elina Hacıyevanın təhsil aldığı məktəbin üçüncü mərtəbəsindən özünü ataraq intihar etməsi faktı ilə Bakı şəhər prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb. İş üzrə məktəbin direktoru Sevinc Abbasova Cinayət Məcəlləsinin 143 (təhlükədə qoyma) və 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə səbəb olduqda) maddələri ilə təqsirləndirilən şəxs qismində cəlb olunub və məhkəmənin qərarı ilə barəsində ev dustaqlığı qətimkan tədbiri seçilib. Daha sonra Cinayət Məcəlləsinin 125-ci (ölüm həddinə çatdırma) maddəsi ilə açılan cinayət işinə xitam verilib.
Səbail rayon Məhkəməsinin hökmü ilə Sevinc Abbasova ev dustaqlığında olduğu müddət nəzərə alınmaqla 2 il 2 ay 14 gün azadlığın məhdudlaşdırılması cəzasına məhkum edilib. S.Abbasovaya saat 23:00-dan 07:00-a qədər yaşadığı evdən çıxmaq qadağan olunub. O, elektron qolbaq taxacaq.
Femida.az
Oxunub: 539
Oxşar xəbərlər
- Ancelina Coli Ukraynada səfərdədir
- Ali Məhkəməyə kassasiya şikayəti verildi - Elina Hacıyevanın ölümünə görə
- Elina Hacıyevanın işi ilə bağlı yenidən məhkəməyə müraciət olunub
- Elina ölümündə təqsirləndirilən direktorun şikayəti təmin edilmədi
- Elina ilə bağlı daha bir məhkəmə başlayır
- Prokuror Elinanın ölümünə görə direktora cəza istədi
- Məktəb direktoru: “Elinanın gündəliyində "ölümümə 52 gün qalıb” yazılmışdı"
- "Direktor Elina üçün təcili yardım çağırmağa qoymadı" - Məktəbin tibb bacısı
- Elinanın məhkəməsində həkimlər və şagirdlər ifadə verib
- Atası ilə küçədən zibil toplayan Anjelina məktəbə başladı - FOTO