Dərsdən çıxarıldığı üçün qrup yoldaşlarını güllələdi: Ölən var (VİDEO)

10:14 14 Noyabr 2019

Rusiyanın Amur vilayətinin Blaqoveşensk şəhərində silahlı insident baş verib.

Femida.az REN TV-yə istinadən xəbər verir ki, hadisə İnşaat və Kommunal Kollecində baş verib.

Belə ki, 4-cü kurs tələbəsi dərsə gecikdiyi üçün auditoriyadan qovulub.

Buna əsəbləşən tələbə yenidən otağa girərək tələbə yoldaşlarına atəş açıb. Nəticədə bir nəfər hadisə yerində keçinib, üç nəfər ağır yaralanıb.

Qətli törədən şəxs isə polisə silahlı müqavimət göstərdiyi üçün zərərsizləşdirilib.