Bakıda “Süni intellekt və insan hüquqları” mövzusunda beynəlxalq konfrans keçirilir
12:13 15 Noyabr 2019
Bu gün Holday İnn mehmanxanasında Azərbaycan Milli Elmlər Akademiyasının Hüquq və İnsan Haqları İnstitutu və Avropa Şurası Ədalət Mühakiməsinin Səmərəliliyi üzrə Avropa Komissiyasının (CEPEJ) birgə təşkilatçılığı ilə “Süni intellekt və insan hüquqları” mövzusunda beynəlxalq konfrans keçirilir.
Femida.az xəbər verir ki, Avropa Şurasından olan beynəlxalq ekspertlərin, hüquq alimləri, hakimlərin, vəkillərin və hüquq ictimaiyyətini nümayəndələrinin iştirakı ilə keçirilən konfransda əsas diqqət Avropa Şurasının “Süni intellektin məhkəmə sistemləri və onlarla bağlı münasibətlərdə istifadəsinə dair Avropa Etik Xartiyası”na verilmiş, bu istiqamətdə CEPEJ-nin prezidenti Ramin Qurbanov, Azərbaycan Respublikasının 1-ci Vitse-Prezidentinin köməkçisi Gündüz Kərimov, Hüquq və İnsan Haqları İnstitutunin direktoru Aytən Mustafazadə tərəfindən çıxışlar dinlənilib.
Sonra CEPEJ-nin eksperti Georg Stava tərəfindən adı çəkilən Xartiyanın məzmunu barədə təfərrüatlı təqdimat təqdim olunub. Xüsusilə Xartiyanın prinsipləri – Fundamental hüquqlara hörmət: süni intellektlə əlaqədar metod və xidmətlərin hazırlanması və tətbiqi işi fundamental hüquqlara uyğun gəlməlidir; “İstifadəçi nəzarəti altında” prinsipi: göstərişlərə əsaslanan münasibətlərin qarşısının alınması, istifadəçilərin məlumatlandırılması və seçimlərinə nəzarət edə bilmələrinin təmin edilməsi və digər prinsiplər barəsində misallar çəkilərək məlumat verilib.
Daha sonra digər beynəlxalq və yerli ekspertlərin çıxışları dinlənilib.
Azərbaycan Respublikasının Vəkillər Kollegiyası tədbirdə Kollegiyanın sədri Anar Bağırov tərəfindən təmsil olunub.
Femida.az
Oxunub: 453
Oxşar xəbərlər
- Şuşada Bəyannamənin birinci ildönümünə həsr olunan beynəlxalq konfrans başlayıb
- Bakıda mina problemləri ilə bağlı beynəlxalq konfrans keçirilir
- Şuşada BMT-Azərbaycan tərəfdaşlığının ildönümü ilə bağlı konfrans başa çatıb
- Ukrayna Prezidenti Münhen Təhlükəsizlik Konfransında çıxış edəcək
- Azərbaycan və Türkiyə müdafiə nazirlərinin birgə mətbuat konfransı keçirilib
- "Bu, ən qısa müddətli və ən az mülki itkilərlə yadda qalacaq müharibədir"
- Prezidentlər Zəngilanda birgə mətbuat konfransı keçiriblər- VİDEO
- "Sərhədçilər müharibədə düşmənin 290 hərbi obyektini məhv edib"
- Vaksin pasportu olmayanların cinayət işinə videokonfransla baxılacaq
- Şuşada “Otel və Konfrans Mərkəzi”nin təməli qoyulub