Bakı metrosu 25 eskalator alıb
15:27 15 Noyabr 2019
"Bakı Metropoliteni" 25 ədəd yeni eskalator alıb.
Femida.az xəbər verir ki, bunu "Bakı Metropoliteni" QSC-nin sədri Zaur Hüseynov deyib.
Onun sözlərinə görə, ölkə başçısının "Bakı Metropoliteni"nə ayırdığı vəsaitdən tam səmərəli şəkildə istifadə edilir:
"Ölkə başçısı İlham Əliyevin tapşırığı ilə "Bakı Metropoliteni" üçün dövlət büdcəsindən böyük vəsait ayrılıb. Bu vəsait hesabına metronun "Sahil", "Şah İsmayıl Xətai" stansiyaları təmir edilib, yeni vaqonlar, eskalatorlar alınıb.
Onu da qeyd edim ki, "Sahil", "Şah İsmayıl Xətai" stansiyası, eləcə də, hazırda inşaat işləri tamamlanmaqda olan şərti adı "B3" olan stansiya üçün 25 ədəd yeni eskalator alınıb.
Eskalatorlardan dördü "Sahil", dördü "Şah İsmayıl Xətai" stansiyasında yerləşdirilib. Digər 17 eskalator isə "B3" stansiyasında yerləşdiriləcək. Eyni zamanda, dövlət büdcəsindən ayrılan vəsaitlə yanaşı, metronun sərəncamında qalan vəsait hesabına da bir sıra işlər görülüb.
Məsələn, "28 May" stansiyasına keçid kimi tikilmiş "Cəfər Cabbarlı" stansiyasında gedən bərpa işləri metronun öz hesabına aparılır".
Z.Hüseynov onu da əlavə edib ki, "Bakı Metropoliteni" Beynəlxalq Metro Assosiasiyasının üzvüdür:
"İstər bu il, istərsə də keçən il metropolitendə kifayət qədər işlər görülüb. Biz bu gün köhnə sovet məkanında bütün metropolitenlərin üzvü olduğu Metro Assosiasiyasının üzvüyük. "Bakı Metropoliteni" o qədər qabaqcıl səviyyədə inkişaf edir ki, bizim tətbiq etdiyimiz qabaqcıl texnologiyanı, təcrübəni öyrənmək istəyirlər.
İşlərin mərhələli şəkildə, sistemli qurulması onların diqqətini çəkir. Çünki bu gün "Bakı Metropoliteni"nin ən müasir texnologiyalar, yeni qatarlar, dizel generatorlarla təmin edilməsi prosesi davam etdirilir".
Femida.az
Oxunub: 576
Oxşar xəbərlər
- Bakıda yolların yenidən qurulmasına 4,23 milyon manat ayrılıb - SƏRƏNCAM
- Bakıda mənimsəmədə təqsirləndirilən qadının məhkəməsində şahid dindirilib
- Bakı metrosunda 4 azyaşlını dilənçiliyə sövq edən qadın saxlanılıb
- Bakıda avtomobil 39 yaşlı kişini vurub
- Bakıda özəl klinikada 46 yaşlı kişi əməliyyatdan sonra ölüb
- Bakıda gecə satlarında atışma: Güllələnən şəxs görün kimdir - VİDEO
- Bakı sakini küçədə əmisini qətlə yetirib
- Bakıda və bölgələrdə güclü külək əsəcək - XƏBƏRDARLIQ
- Bakıda avtomobil qadını vuraraq öldürüb
- Bakı hava limanında ƏMƏLİYYAT - Tutulanlar VAR