Usubov Moskvada təhlükəsizlik katibləri ilə bir arada - FOTOLAR
14:05 20 Noyabr 2019
Rusiyanın paytaxtı Moskva şəhərində MDB ölkələri Təhlükəsizlik Şuraları katiblərinin VII görüşü keçirilir. İclasda Azərbaycanı Təhlükəsizlik Şurasının katibi Ramil Usubov təmsil edir.
Femida.az xəbər verir ki, bu barədə Təhlükəsizlik Şurası aparatının mətbuat xidməti məlumat yayıb. Görüş iştirakçıları tədbirdən öncə Kremlin divarı önündə naməlum əsgərin məzarını ziyarət ediblər.
Təhlükəsizlik Şuraları katibləri MDB məkanında regional təhlükəsizliyin təmin olunması və təhlükəsizlik şuraları xətti ilə beynəlxalq əməkdaşlığa dair mövzuları müzakirə edirlər.
Bundan əlavə, regional aspektdə görüş iştirakçıları xarici terrorçu döyüşçülərin yaratdığı təhdidlər, onların MDB ölkələri ərazisinə keçməsinin qarşısının alınması tədbirləri, eləcə də Birlik məkanında kimyəvi və bioloji təhlükəsizlik məsələlərini nəzərdən keçirəcəklər.
İclası giriş sözü ilə açan Rusiya Federasiyası Təhlükəsizlik Şurasının katibi Nikolay Patruşev birlik məkanında təhlükəsizliyi təmin etmək üçün tədbir iştirakçılarının mövcud problemlərin həllində birgə yanaşmaları işləyib hazırlayacaqlarını diqqətə çatdırıb.
Patruşev bildirib ki, budan əvvəlki iclasda hazırlanan tədbirlər terror təşkilatları haqqında analitik məlumat mübadiləsinin təşkili işinə əhəmiyyətli təkan verib.
Bundan əlavə, qeyd olunub ki, MDB ölkələrinin hərbi-texniki əməkdaşlığı və beynəlxalq terror təşkilatlarının fəaliyyətini dayandırmaq üçün birgə tədbirlərin hazırlanması istiqamətində müsbət inkişaf əldə edilib.
Femida.az
Oxunub: 636
Oxşar xəbərlər
- İranın Milli Təhlükəsizlik üzrə Ali Şurasının katibi Azərbaycana gəlir
- Bayden və xanımı təhlükəsizliklə bağlı təcili başqa əraziyə təxliyə edilib
- Putin Təhlükəsizlik Şurasının iclasını keçirib
- ABŞ Ukraynaya növbəti təhlükəsizlik yardımı ayırıb
- ABŞ müdafiə naziri: "Ukraynaya rekord sürətlə təhlükəsizlik yardımı göndərmişik"
- Rusiya Təhlükəsizlik Şurasının iclası keçirilib
- Azərbaycan XİN Ermənistan Təhlükəsizlik Şurasına cavab verib
- Bu gün Türkiyə Təhlükəsizlik Şurası Cənubi Qafqazdakı vəziyyəti müzakirə edəcək
- Türkiyə Təhlükəsizlik Şurasının təcili iclası başlayıb
- Zelenski Milli Təhlükəsizlik və Müdafiə Şurasının təcili iclasını çağırıb