Cəsədi döyüş meydanında qalan 19 yaşlı şəhid - Mehman Sayadovun doğum günüdür
13:03 21 Noyabr 2019
19 yaşında şəhidlik zirvəsinə yüksələn Mehman Sayadovun doğum günüdür.
Sayadov Mehman Qəzənfər oğlu 21 noyabr 1972-ci ildə Qərbi Azərbaycanın Vardenis rayonunda Günəşli kəndində anadan olub. Burada 7-ci sinifə kimi oxuya bilib. Sonra qismətinə qaçqınlıq həyatı yaşamaq düşüb. Sayadovlar 1988-ci ildə ailəliklə Samux rayonunun Sərkar kəndinə pənah gətirib. 8-ci sinfi bu kənddə bitirir. Qaçqınlıq həyatı ona təhsilini davam etdirməyə imkan verməyib.
Mehman bir müddət təsərrüfat işlərində çalışır. Ölkədə xalq hərəkatı başlayanda onun öncüllərindən biri olur. 18 yaşının tamamında Sovet Ordusu sıralarına çağırılır. Sverdlovsk vilayətində 6 ay xidmət etdikdən sonra, Vətənin çağrışına səs verərək Azərbaycana dönür. O, 5 noyabr 1991-ci ildə “Azərbaycan Qarabağı” könüllü müdafıə batalyonunun tərkibinə üzv yazılır və cəbhəyə yola düşür. Mehman Sayadov Şuşa rayonunun bir sıra kəndlərinin müdfiəsində əsl qəhrəmanlıq nümunəsi göstərir. Kosalarda, sonra isə Nəbilər kəndində döyüşən Mehman yoldaşlarının köməyi ilə düşmənin 70-ə yaxın canlı qüvvəsini və bir neçə hərbi texnikasını məhv edir.
Bundan hiddətlənən erməni yaraqlıları xeyli canlı qüvvə toplayaraq yenidən Nəbilər kəndinə hücuma keçirlər. Batalyon böyük bir qüvvə ilə döyüşə girməli olur. Bir neçə istiqamətdən hücum dairəsini genişləndirən erməni faşistləri bizimkiləri mühasirəyə salırlar. Cəsur döyüşçülər özlərini itirmir, mühasirə halqasını bircə anda itki vermədən yarmağa müvəffəq olurlar.
M.Sayadov 9 may 1992-ci ildə Şuşa rayonu Nəbilər kəndinin müdafiəsi zamanı öz ölümü ilə ölməzliyə qovuşur. Mehmanın cəsədi ətrafında onlarla düşmən meyiti səpələnmişdi. Bu, onun əsl qəhrəmanlığından xəbər verirdi.
Azərbaycan Respublikası Prezidentinin 7 iyun 1992-ci il tarixli 833 saylı fərmanı ilə Sayadov Mehman Qəzənfər oğluna ölümündən sonra “Azərbaycanın Milli Qəhrəmanı” adı verilib.
Cəsədi döyüş meydanında qalıb. Əfsuslar olsun ki, adı əbədiləşdirilməyib.
Femida.az
Oxunub: 4470
Oxşar xəbərlər
- Şuşada Mehmandarovların malikanə kompleksi bərpa olunur
- Azərbaycanda mehmanxanaların gəlirləri açıqlanıb
- Mehmanxanalarda qaydaların kobud şəkildə pozulması faktları aşkarlanıb
- Azərbaycanda mehmanxanalar üçün ulduzlaşma məcburi olacaq
- Eldar Sultanov: "Mehman Hüseynovun Fərəc Quliyevlə bağlı müraciəti MSK-a göndərilib"
- Azərbaycana gələn turistlərin əksəriyyəti Bakı mehmanxanalarına yerləşdirilib
- “Antalya Mehman” azadlığa çıxıb
- DİN: Mehman Hüseynovun polis tərəfindən döyülməsi barədə iddialar tamamilə əsassızdır
- MSK Mehman Hüseynovun müraciətinə münasibət bildirib
- Əli İnsanovun qardaşı oğlundan şok dələduzluq: Türkiyə vətəndaşını Bakıya iş adı ilə gətirib pullarını aldı (FOTOLAR+VİDEO)