Ədliyyə Nazirliyi: Bələdiyyələr yaradılan imkanların heç 50 faizindən istifadə etmir
14:22 22 Noyabr 2019
Bələdiyyələr onlar üçün yaradılan imkanların heç 50 faizindən istifadə etmir. Əgər bu imkanlardan 100 faiz yox, hələ 90 faiz istifadə olunsaydı, görün hansı səviyyədə işlər görülə bilərdi.
Femida.az-ın məlumatına görə, bunu Ədliyyə Nazirliyinin Bələdiyyələrlə İş Mərkəzinin rəis müavini Fazil Məmmədov “Gender əsaslı Bələdiyyə Akademiyası”nın açılış mərasimində çıxışı zamanı deyib.
Onun sözlərinə görə, bələdiyyələrin problemi təkcə onların səlahiyyətləri ilə bağlı deyil.
"Bələdiyyələrin səlahiyyətləri kifayət qədər genişdir. Maliyyə resursları bələdiyyələrin passivliyi və məsuliyyətsizliyi ucbatından kifayət qədər istifadə olunmur. Ancaq elə bələdiyyələrimiz də var ki, bu resurslardan yaxşı istifadə edir".
F.Məmmədov əlavə edib ki, Azərbaycanın bütün şəhər və qəsəbələrinin sosial problemlərinin həllində bələdiyyələrin çox fəal iştirakı var. Hər il onlar bu iş üçün külli miqdarda vəsait sərf edirlər:
"Problem sadəcə ondan ibarətdir ki, bələdiyyələrin gördüyü işlər təbliğ olunmur. Ona görə də cəmiyyətdə elə təsəvvür yaranır ki, bələdiyyələr heç bir iş görmür".
Femida.az
Oxunub: 561
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- Ceyhun Bayramov: “Müstəqilliyimizə dəstəyə görə qardaş Özbəkistana minnətdarıq”
- Nazirlik nümayəndəsi: “İndiyədək Xocavənddə 25 nəfərin meyitinin qalıqları aşkarlanıb”
- Ukrayna Baş Qərargahı: "Son sutkada Rusiyanın 44 tankı məhv edilib"
- BNA: "147 avtobusun hərəkət intervalında gecikmə var"
- Xanlar Vəliyev: “Ötən 8 ayda qeydə alınmış cinayətlərin 99 faizi açılıb”
- DİN: "Razılaşdırılmamış aksiyanın qarşısı alınacaq"
- Heydər Məmmədov: "Prokurorluqda israfçılığa yol verilməməsi üçün bir çox işlər görülüb"
- Azərbaycan XİN: "Ermənistan bölgədə vəziyyəti gərginləşdirmək istəyir"