Xaricdə nikaha girən Azərbaycan vətəndaşı öz ölkəsində boşana bilərmi?
18:32 22 Noyabr 2019
Son zamanlar xarici ölkələrdə nikaha girən Azərbaycan vətəndaşlarının sayında artım müşahidə olunur. Bu baxımdan Türkiyə ön sıradadır. Qardaş ölkədə nikaha girib sonradan boşananların da sayı az deyil. Bəs görəsən nikahı Türkiyədə olan Azərbaycan vətəndaşı öz ölkəsində boşana bilərmi?
Femida.az xəbər verir ki, Azərbaycandan kənarda Azərbaycan vətəndaşları ilə əcnəbilər, eləcə də Azərbaycan vətəndaşları arasında bağlanan nikahın Azərbaycanda pozulması mümkündür.
Bu məsələnin həlli Ailə Məcəlləsində öz əksini tapıb. Həmin məcəlləyə əsasən, Azərbaycandan kənarda Azərbaycan vətəndaşları ilə əcnəbilər və ya vətəndaşlığı olmayan şəxslər arasında, eləcə də Azərbaycan vətəndaşları arasında bağlanan nikahın Azərbaycanda pozulması yerli qanunvericiliyə uyğun olaraq həyata keçirilir.
Belə ki, Azərbaycandan kənarda yaşayan Azərbaycan vətəndaşı ölkədən kənarda yaşayan əri (arvadı) ilə bağladığı nikahı onun vətəndaşlığından asılı olmayaraq Azərbaycan məhkəmələrində poza bilər:
“Nikahın müvafiq icra hakimiyyəti orqanında pozulmasına Azərbaycan qanunvericiliyi ilə yol verilirsə, həmin nikah Azərbaycanın diplomatik nümayəndəliklərində və ya konsulluq idarələrində pozula bilər”.
Oxunub: 935
Oxşar xəbərlər
- Xaricdə hazırlıq keçən tibb və əczaçılıq işçilərinin biliyi yoxlanılacaq - ƏMR
- Xaricdə doktorantura təhsilinə dair sənəd qəbulunun müddəti uzadılıb
- Xaricdə yaşayan narkotacirə kuryerlik edən Astara sakini saxlanılıb
- Xaricdə təhsil almış daha 81 nəfərin diplomu tanınmayıb
- Xaricdə yaşayan narkotacirə narkokuryerlik edən Astara sakini saxlanılıb
- Xaricdəki narkotacirə Bakıda kuryerlik edənlər tutuldu - VİDEO
- Xaricdə vaksinasiya olunan vətəndaşın COVID-19 pasportunun Azərbaycanda tanınma qaydası açıqlanıb
- Xaricdə doktorantura təhsili üçün sənəd qəbulunun vaxtı uzadılıb
- Xaricdəki ticarət nümayəndələri səfirlikdə olmayacaq
- Xaricdə təhsil almış 64 nəfərin diplomu tanınmadı