Narkotik və psixotrop maddə keçirmək istəyən şəxs saxlanıldı
16:58 22 Noyabr 2019
Dövlət Gömrük Komitəsi Əməliyyat-İstintaq Baş İdarəsi Əməliyyat idarəsinə daxil olan əməliyyat məlumatı əsasında Cənub Ərazi Baş Gömrük İdarəsinin Astara gömrük postunda piyada yolla İran İslam Respublikasından gələn Azərbaycan Respublikası vətəndaşı saxlanılıb və üzərində şəxsi yoxlama aparılıb.
Komitədən Femida.az-a verilən məlumata görə, Şəxsi yoxlama zamanı onun üzərində qanunla qadağan olunan hər hansı predmet aşkarlanmayıb.
Daha sonra daxili orqanında narkotik vasitə gizlətdiyi ehtimal edilən vətəndaş Astara Mərkəzi Rayon Xəstəxanasına aparılıb və rentgen müayinəsindən keçirilib. Müayinə zamanı onun düz bağırsağında gömrük nəzarətindən gizlədilən 2 ədəd bağlamada və 3 ədəd bükümdə ümumi çəkisi 103 qram olan narkotik vasitə-tiryək, 8 qram olam narkotik vasitə-marixuana, 5 qram olan psixotrop maddə-metamfetamin, 11 ədəd üzərində "F/M 40" nişanəsi olan metadon adlı həb aşkarlanıb.
Xatırladaq ki, metamfetamin "Azərbaycan Respublikasının ərazisində dövriyyəsi qadağan edilən psixotrop maddələrin I Siyahısı"na, metadon isə "Azərbaycan Respublikasının ərazisində dövriyyəsi məhdudlaşdırılan narkotik vasitələrin II Siyahısı"na daxildir.
Faktla bağlı araşdırma aparılır.
Femida.az
Oxunub: 450
Oxşar xəbərlər
- Astarada qardaşını baltalayan qadının məhkəməsi başlayır
- Astarada minik və yük avtomobilləri toqquşub, ölən və yaralanan var
- Astarada toyda dava düşüb, xəsarət alan var
- Astarada polisi öldürmək istəyən şəxsə 17 il 7 ay həbs cəzası verilib
- Astarada yük avtomobili qəzaya uğrayıb, ölən və yaralanan var
- Xaricdə yaşayan narkotacirə kuryerlik edən Astara sakini saxlanılıb
- Astara sakinlərindən qanunsuz silahlar götürülüb
- Ələt-Astara avtomobil yolunda oğurluq edən şəxs saxlanılıb
- Astarada qohumunu qətlə yetirən qadının məhkəməsi başlayır
- Astara sakinində qanunsuz odlu silah aşkarlanıb
