Əhali üçün maarifləndirici video: Dəm qazından belə qorunun!
16:01 27 Noyabr 2019
Fövqəladə Hallar Nazirliyi (FHN) dəm qazı təhlükəsi ilə əlaqədar əhaliyə müraciət edib.
FHN-dən Femida.az -a daxil olan müraciətdə bildirilib ki, qış mövsümü ilə əlaqədar olaraq əhalinin təbii qaza olan tələbatının artması fonunda qaz cihazlarından istifadə zamanı təhlükəsizlik qaydalarının pozulması dəm qazı təhlükəsi yaradır.
Ölümlə nəticələnə bilən bu təhlükə ilə üzləşməmək üçün qaz cihazı saz və standartlara uyğun olmalı, cihaz olan məkanın hündürlüyü 2 metr 20 santimetrdən az olmamalı, havaçəkən sistem işləməli, nəfəslik açıq olmalı, hamam otağında ventilyasiya borusu, qapının aşağısında dəliklər olmalı, tüstü bacaları ildə iki dəfə təmizlənməlidir.
“Yadda saxlayın! Dəm qazı iysizdir, hiss edilmir! Ondan zəhərlənmənin əlamətləri: baş ağrısı, baş gicəllənməsi, ürək bulanması, halsızlıq. Dəm qazından zəhərlənmiş insanı təmiz havaya çıxarıb, nəfəsalmasını çətinləşdirən geyimlərdən azad etmək, təcili tibbi yardım çağırmaq lazımdır! Unutmayın: Qaydalara biganəlik - həyatımıza təhlükədir! Təhlükə zamanı 112-yə zəng edin!”, - deyə müraciətdə qeyd olunub.
Femida.az
Oxunub: 1101
Oxşar xəbərlər
- Qazaxda 2 nəfər dəm qazından zəhərlənib
- Yevlaxda gənc qadın dəm qazından boğularaq ölüb
- Abşeronda iki nəfər dəm qazından zəhərlənib
- Xaçmazda bir ailənin 3 üzvü dəm qazından zəhərlənib
- Abşeronda 47 yaşlı kişi dəm qazından ölüb
- Bakıda 4 nəfər dəm qazından zəhərlənib
- Abşeronda azyaşlı dəm qazından zəhərlənib
- Göygöldə yeniyetmə bacılar dəm qazından zəhərləniblər
- Lənkəranda 36 yaşlı kişi dəm qazından boğularaq ölüb
- Qazaxda ana və qızı dəm qazından zəhərlənib