Nazirlər Kabinetində yeni yaradılan şöbələr - SİYAHI
19:50 02 Dekabr 2019
Nazirlər Kabinetində (NK) aparılan struktur dəyişikliklərinin detalları məlum olub.
Femida.az xəbər verir ki, dəyişikliklərdən sonra NK-da Baş Nazirin I müavininin xidməti, Baş Nazirin müavinlərinin xidmətləri, Aparat rəhbərinin xidməti yaradılıb.
Bundan başqa, İqtisadiyyat, Xarici iqtisadi əlaqələr, Beynəlxalq əməkdaşlıq şöbələri təsis olunub.
Hüquq şöbəsi ləğv edilərək onun yerində Hüquq və qanunvericilik şöbəsi yaradılıb. Həmçinin Humanitar və Sosial məsələlər şöbəsi iki ayrı şöbəyə ayrılaraq onun yerində Sosial məsələlər və Humanitar məsələlər şöbələri təsis olunub.
NK-nın beynəlxalq əlaqələr şöbəsinin adı dəyişdirilərək Beynəlxalq əməkdaşlıq şöbəsi adlandırılıb.
NK-nın Regionların inkişafı, Kənd təsərrüfatı və ekologiya məsələləri şöbəsi də ləğv olunub. Onun yerində Aqrar və ekologiya şöbəsi və Regionların inkişafı şöbəsi təsis edilib.
Sənaye və energetika məsələləri şöbəsinin adı dəyişdirilərək Sənaye və energetika şöbəsi adlandırılıb.
NK-nın Kommunikasiya, tikinti və kommunal təsərrüfat məsələləri şöbəsi də ləğv olunub. Onun yerində isə Tikinti, şəhərsalma və kommunal təsərrüfat şöbəsi təsis edilib.
Kabinetin Təhlükəsizlik və müdafiə şöbəsinin adı da dəyişdirilib və əvəzinə Təhlükəsizlik, müdafiə və səfərbərlik şöbəsi yaradılıb.
Eyni zamanda Sənədlərlə və vətəndaşların müraciətləri ilə iş şöbəsi də ləğv olunub. Bunun əvəzinə yeni Ümumi şöbə təsis edilib.
Yeni strukturda Mətbuat xidməti və İşlər İdarəsi olduğu kimi saxlanılıb.
Femida.az
Oxunub: 504
Oxşar xəbərlər
- Rusiya və Ermənistan müdafiə nazirləri arasında telefon danışığı olub
- Azərbaycan Ordusunun Baş Qərargah rəisi MDB Müdafiə Nazirləri Şurasının iclasında iştirak edib
- ABŞ və Rusiya müdafiə nazirləri arasında telefon danışığı olub
- Azərbaycan və Çin xarici işlər nazirləri arasında telefon danışığı olub
- Nazirlər kabinetinin qərarı qüvvəyə mindi: Bu məhsullar bahalaşacaq
- Azərbaycan və Rusiya müdafiə nazirləri arasında telefon danışığı olub
- NATO müdafiə nazirlərinin fövqəladə toplantısı başlayıb
- Rusiya və Türkiyə xarici işlər nazirləri sabah görüşür
- Deputat nazirlərdən Əli Əsədova şikayət edib
- NATO müdafiə nazirlərinin fövqəladə toplantısı keçiriləcək