Ev kirayəyə verildikdə nə qədər vergi ödənməlidir?
20:34 02 Dekabr 2019
Şəxsi evini kirayəyə verən vətəndaş qeydiyyata alındıqdan sonra nə qədər vergi ödəməlidir?
Vergilər Nazirliyinin Media və Kommunikasiya İdarəsindən Femida.az -a verilən məlumata görə, əmlak icarəsindən əldə edilən gəlir fiziki şəxsin qeyri-sahibkarlıq fəaliyyətindən əldə olunan gəliri hesab edilir. Fiziki şəxsə icarə haqqını ödəyən şəxs vergiödəyicisi kimi qeydiyyatda olduğu halda, ödəmə mənbəyində 14 faiz məbləğində vergi tutmalı və bu barədə vergi orqanına rüb başa çatdıqdan sonra növbəti ayın 20-dən gec olmayaraq hesabat təqdim etməlidir.
Həmçinin icarə haqqını ödəyən şəxs vergiödəyicisi kimi qeydiyyatda olmadığı halda, əmlakın sahibi vergi orqanında qeydiyyata durmalı, əldə etdiyi gəlirdən illik 14 faiz həcmində gəlir vergisi ödəməli və vergi orqanına “Gəlir vergisi bəyannaməsi” təqdim etməlidir. Bu məqam Vergi Məcəlləsinin 99.3-cü maddəsində əksini tapıb. Məcəllənin 124-cü maddəsində isə göstərilib ki, daşınan və daşınmaz əmlak üçün icarə haqqından, həmçinin rezidentin və ya qeyri-rezidentin Azərbaycan Respublikasındakı daimi nümayəndəliyinin ödədiyi və ya onun adından ödənilən royaltidən gəlir bu Məcəllənin 13.2.16-cı maddəsinə uyğun olaraq Azərbaycan mənbəyindən əldə edilmişdirsə, ödəmə mənbəyində 14 faiz dərəcə ilə vergi tutulur. İcarə haqqı və royaltidən gəlir əldə edən fiziki şəxslərdən Vergi Məcəlləsinin 124.1-ci maddəsinə uyğun olaraq vergi tutulmuşdursa və ya onun tərəfindən ödənilmişdirsə, həmin gəlirlərdən bir daha vergi tutulmur.
Femida.az
Oxunub: 542
Oxşar xəbərlər
- Ev sahibini boğub öldürən oğru tutulub
- Evlərdən 27 min manatlıq oğurluq edən kişi və qadın tutulub
- Evlərdən oğurluq edən qadın tutuldu
- Evlərdən oğurluq edən şəxs saxlanıldı
- Evi tərk edən koronavirus xəstəsinə cinayət işi açıldı
- Evində toy edənlərə cəza kəsdilər - FOTO
- Evində 85 nəfərlik toy edən şəxs cərimələnib
- Evdə köməksiz qalan şəxs xilas edildi
- Evdən kabel oğurlayanlar ələ keçdi - FOTO
- Evdə qalan uşaq belə xilas edildi - VİDEO