Yeni Ombudsman: “Hamını əməkdaşlığa dəvət edirəm”
11:20 05 Dekabr 2019
"Hamını ölkəmizdə insan hüquq və azadlıqlarının səmərəli müdafiəsi naminə əməkdaşlığa dəvət edirəm".
Femida.az xəbər verir ki, bunu Ombudsman Səbinə Əliyeva ilk dəfə qatıldığı rəsmi tədbir olan "Əqli mülkiyyət hüquqlarının müdafiəsinin təminatı: ixtisaslaşmış məhkəmələrin milli və beynəlxalq təcrübəsi" mövzusundakı seminarda çıxışı zamanı deyib.
Ombudsman qeyd edib ki, ölkə Prezidentinin ədalət mühakiməsinin keyfiyyətinin və səmərəliliyinin artırılması istiqamətində bu il imzaladığı Məhkəmə-hüquq sistemində islahatların dərinləşməsi haqqında fərmanın icrası Azərbaycanda insan hüquq və azadlıqlarının səmərəli təmin olunmasına mühüm töhfələr verəcək:
"Azərbaycan Respublikasının Konstitusiyasının 30-cu maddəsində təsbit olunan əqli mülkiyyət hüququnun ölkəmizdə təmin olunması məqsədilə həm qanunvericilikdə, həm də onların icrası istiqamətində mühüm işlər görülür. Əqli mülkiyyət hüququnun müdafiəsi, o cümlədən əqli mülkiyyət hüquqları sahiblərinin maraqlarının qorunması və bu sahədə hüquq pozmaların qarşısının alınması Ombudsmanın fəaliyyətində prioritet istiqamətlərdəndir. Çünki bu hüquqların pozulması əqli mülkiyyət hüquqları sahibləri ilə yanaşı, istehlakçıların da hüquqlarının pozulmasına və cəmiyyətin inkişafına öz mənfi təsirini göstərir".
Femida.az
Oxunub: 507
Oxşar xəbərlər
- Ukrayna ombudsmanı: "Rusiya Krımda məcburi səfərbərliyə başlayıb"
- Ombudsman 31 Mart - Azərbaycanlıların Soyqırımı Günü ilə bağlı bəyanat yayıb
- Ombudsman: "Ukraynadakı azərbaycanlıların təxliyəsi ilə bağlı narahatlıq yoxdur"
- Ombudsman beynəlxalq və regional təşkilatları Ermənistan barədə qəti tədbirlər görməyə çağırıb
- Müdafiə Nazirliyi ilə Ombudsman Aparatı birgə tədbirlər planı imzalayıb
- Ombudsman Rusiyada erməninin azərbaycanlı həkimə xəsarət yetirməsini pisləyib
- Ombudsman erməni terrorçunun Azərbaycan hərbçilərinə qumbara atmasını pisləyib
- Ombudsman İmişlidə 11 yaşlı qızın zorlanmasına münasibət bildirib
- Ombudsman: "Azərbaycanda məhkum olunan erməni hərbçilərin heç bir şikayəti yoxdur"
- Ombudsman Bolqarıstan rəsmisini Ermənistan cinayətləri ilə bağlı məlumatlandırıb