İcma işğal olunmuş ərazilərə edilmiş qanunsuz səfərə ETİRAZ ETDİ
17:42 06 Dekabr 2019
Avropa Parlamentinin bəzi üzvlərinin Ermənistanın işğal altında saxladığı Azərbaycan ərazilərinə qanunsuz səfərlərinə etiraz bildirilib.
Bu barədə Femida.az-a Dağlıq Qarabağ bölgəsinin azərbaycanlı icmasından məlumat verilib.
İcma və Beynəlxalq Münasibətlərin Təhlili Mərkəzinin nümayəndə heyətlərinin Brüsseldə keçirdikləri görüşlərdə sözügedən məsələ diqqət mərkəzində saxlanılıb.
Avropa Parlamentinin üzvü, Avronestin sədri Andrius Kubilius, Avropa İttifaqı-Azərbaycan Parlamentlərarası əlaqələr Komitəsinin sədr münavini, parlamentari Rasa Jukneviçiene və CEPS-in rəhbəri Karel Lannoo ilə görüşlərdə bildirilib ki, Avropa Parlamentinin bəzi deputatlarının Azərbaycanın icazəsi olmadan Dağlıq Qarabağa qanunsuz səfərlər etməsi bu qurumun nüfuzuna ciddi xələl gətirir. Avropa parlamentinin üzvləri qeyd ediblər ki, Ermənistan-Azərbaycan Dağlıq Qarabağ münaqişəsinin həlli ilə bağlı ATƏT-in Minsk qrupunun həmsədr ölkələrinin vasitəçiliyi ilə aparılan danışıqları diqqətlə izləyirlər.
Keçirilən görüşlərdə Azərbaycanın Avropanın enerji bazarında oynadığı önəmli rol xüsusi olaraq qeyd edilib. Bildirilib ki, Avropanın enerji təhlükəsizliyində Azərbaycanın artan nüfuzu, Avropa İttifaqı-Azərbaycan əlaqələrinin inkişafı istiqamətində hər iki tərəfdən həyata keçirilən tədbirlər ciddi əhəmiyyətə malikdir.
Qeyd edək ki, Azərbaycan Respublikasının Dağlıq Qarabağ bölgəsinin azərbaycanlı icmasının sədri Tural Gəncəliyev və Beynəlxalq Münasibətlərin Təhlili Mərkəzinin (BMTM) Fərid Şəfiyev Brüsseldə səfərdə olublar.
Femida.az
Oxunub: 762
Oxşar xəbərlər
- İcma: Ermənistan törətdiyi cinayətləri gizlədə bilməyəcək
- İcma sədri: "Ermənistan danışıqlar pərdəsi arxasında gizlənir"
- İcma sədrindən Dağlıq Qarabağda koronavirusa yoluxma halları ilə bağlı bəyanat
- İcma rəhbəri Ermənistan siyasi dairələrinə cavab verdi
- İcma sədrindən Ermənistan XİN rəhbərinə cavab
- İcmal büdcənin gəliri 31 milyard manat olub