Yevlax polisi şagirdləri narkomaniya və onun fəsadları barədə məlumatlandırdı
20:00 07 Dekabr 2019
Yevlax Rayon Polis Şöbəsinin təşkilatçılığı ilə Salamabad kənd tam orta məktəbində narkomaniyanın, erkən nikahın və dini radikalizmin fəsadları barədə şagirdlərlə görüş keçirilib.
Daxili İşlər Nazirliyinin mətbuat xidmətinin Bərdə regional qrupundan e-Femida.az-a bildiriblər ki, rayon polis şöbəsinin rəisi, polis polkovniki Elnur Mehdiyev şagirdlərə narkomaniya və onun fəsadları barədə ətraflı məlumat verib, “ağ ölüm”ün ailə və cəmiyyət üçün yaratdığı ciddi problemləri diqqətə çatdırıb. Qeyd edilib ki, narkomaniyanın qarşısının alınması üçün dövlət orqanları, ictimai təşkilatlar, təhsil işçiləri və valideynlər birgə mübarizə aparmalı, bu mövzuda maarifləndirici tədbirlər davamlı keçirilməlidir. Hər kəs bu istiqamətdə görülən işlərdə fəal olmalı, hüquq-mühafizə orqanları tərəfindən keçirilən profilaktiki tədbirlərdə iştirak etməlidir.
E.Mehdiyev erkən nikahın səbəb olduğu problemlərdən söhbət açaraq qeyd edib ki, hər bir şagird hüquq və vəzifələrini bilməli, zərərli vərdişlərdən uzaq durmalıdır. Yeniyetmə və gənclərimiz yüksək təhsil almalı, müasir informasiya texnologiyalarından istifadə etməyi bacarmalı, idmanla məşğul olmalı, milli-mənəvi dəyərlərimizə sədaqət ruhunda böyüməli, vətənpərvər kimi hər zaman ölkəmizin müdafiəsinə hazır olmalıdır.
Səfərbərlik və Hərbi Xidmətə Çağırış üzrə Dövlət Xidmətinin Yevlax rayon şöbəsinin rəisi, polkovnik-leytenant Elməddin Cəfərov dini radikalizmin mənfi təsirlərindən bəhs edib. Bildirib ki, cəmiyyətdə əmin-amanlığı, sabitliyi pozmaq məqsədini güdən belə qruplaşmaların qurbanları əsasən gənclərdir. O, gəncləri radikal qruplaşmaların yalanlarına, xurafat dolu vədlərinə, təxribatçılıq əməllərinə uymamağa və bütün bunlarla mübarizədə valideynləri fəal olmağa çağırıb.
Femida.az
Oxunub: 717
Oxşar xəbərlər
- Yevlaxda velosipedçini avtomobil vuraraq öldürüb
- Yevlaxda piyadanı avtomobil vuraraq öldürüb
- Yevlaxda narkotacirlər saxlanılıb
- Yevlax sakini Bakı bulvarında özünü dənizə atıb
- Yevlaxda motosikletlə yük maşını toqquşub, ölən var
- Yevlax Rayon Polis Şöbəsində baş verən intiharla bağlı rəsmi açıqlama
- Yevlax-Bərdə yolunda avtomobillər toqquşub, 5 nəfər xəsarət alıb
- Yevlaxda gənc qadın dəm qazından boğularaq ölüb
- Yevlaxda ard-arda iki yol qəzası olub, xəsarət alanlar var
- Yevlaxda 41 yaşlı kişini elektrik cərəyanı vuraraq öldürüb