Azərbaycanda istirahət zonasında psixoloqu öldürdülər
18:12 13 Dekabr 2019
Bir neçə ay əvvəl Xaçmaz rayonunun Nabran qəsəbəsi yaxınlığında törədilmiş qətl hadisəsi ilə bağlı açılmış cinayət işinin ibtidai istintaqı başa çatıb.
Femida.az -ın məlumatına görə, istirahət zonasında İbrahimov Tərlan Ağabala oğlunun Mursalov Taleh Abdulrəşid oğlu tərəfindən öldürülməsi fakt ilə bağlı açılan işin materialları Bakı Ağır Cinayətlər Məhkəməsinə daxil olub. İşə hakim Siyavuş Hacıyevin sədrliyi ilə baxılacaq.
Qeyd edək ki, cinayət avqustun 16-da axşam saatlarında törədilib.
55 yaşlı psixoloq Tərlan İbrahimovun tanınmaz hala salınan cəsədi qətldən iki saat sonra küçədə, kiçik mağazanın qarşısında tapılıb. Avqustun 17-nə keçən gecə xəfiyyələr şübhəli şəxsin izinə düşərək həbs ediblər.
Qatil rəsmi işi olmayan yerli sakin Mürsəlov Taleh Əbdülrəşid oğludur .Cinayətkar öz evində saxlanılıb.
İlkin dindirmə zamanı saxlanılan şəxs törətdiyi əməli etiraf edib.
Psixoloq kimi fəaliyyət göstərən T.İbrahimov Bakıda yaşayıb. O, hər il Nabranda istirahət etmək üçün ev icarəyə götürüb. Yerli sakinlər onu gülərüz və nəzakətli şəxs kimi tanıyıb.
İlkin məlumata əsasən, həmin axşam T.İbrahimov içkili olan Taleh Mürsəlova yaxınlaşıb və yaşca böyük kimi, ona özünü alkoqolla məhv etməməyi tövsiyə edib. Lakin dialoq baş tutmayıb. T.Mürsəlov əvvəlcə psixoloqun baş nahiyəsinə yumruqla vurub, daha sonra yaxınlıqda mişar daşı taparaq qurbanının başına bir neçə ağır zərbə endirib.
Sonra qatil qanlı daşı cəsədin yanına ataraq hadisə yerindən uzaqlaşıb.
Oxunub: 740
Oxşar xəbərlər
- Azərbaycanda hərbi xidmətə növbəti çağırış başlayıb
- Azərbaycanda qızlar niyə yoxa çıxır? - Görün hardan tapılırlar
- Azərbaycanda hibrid avtomobillərin idxal və satışı daha 1 il vergidən azad ediləcək
- Azərbaycanda bu şəxslərə yardımlar veriləcək - 5 il müddətinə - VİDEO
- Azərbaycanda son sutkada 710 nəfər koronavirusa yoluxub
- Azərbaycanda son sutkada 563 nəfər koronavirusa yoluxub, 1 nəfər ölüb
- Azərbaycanda avtomobillərin icbari sığortalanması qaydaları dəyişib
- Azərbaycanda meyit donorun anonimliyini qorumayanlar cərimələnəcək
- Azərbaycanda son sutkada 102 nəfər koronavirusa yoluxub, ölən olmayıb
- Azərbaycanda koronavirusa sutkalıq yoluxma sayı 400 nəfəri keçib