Antisanitar şəraitdə fəaliyyət göstərən çörək sexi aşkarlanıb
17:17 13 Dekabr 2019
Qida Təhlükəsizliyi Agentliyi (AQTA) istehlakçı hüquqlarının qorunması, həmçinin qida təhlükəsizliyinin təmin edilməsi istiqamətində tədbirləri davam etdirir.
AQTA-dan Femida.az-a verilən məlumata görə, Agentliyin 1003 Çağrı Mərkəzinə daxil olan müraciət əsasında AQTA əməkdaşları Mingəçevir şəhəri, M.P.Vaqif küçəsi 31 ünvanında fəaliyyət göstərən fiziki şəxs İsmayılova Xalidə Müzəffər qızına məxsus çörək istehsalı müəssisəsində reyd keçiriblər.
Reyd zamanı müəssisənin qida təhlükəsizliyi qeydiyyatından keçirilmədiyi, sanitar-texniki və sanitar-gigiyenik vəziyyətinin qüvvədə olan normativlərə cavab vermədiyi, xammalın saxlanma rejiminə, eləcə də, temperatur və rütubət rejiminə düzgün əməl olunmadığı aşkarlanıb.
Müəssisədə istifadə olunan sobanın, işçi masaların, tənəkə altlıqların, qabların, alət və ləvazimatların və çörək yığılan rəfin istismar müddətinin bitdiyi və onların təmizlənməsinin, dezinfeksiyasının normalara uyğun olaraq aparılmadığı, deratizasiya və dezinseksiya tədbirlərinin vaxtaşırı həyata keçirilmədiyi aşkar edilib.
Aşkarlanan pozuntulara uyğun olaraq qanunvericiliyin tələbləri çərçivəsində müəssisənin fəaliyyəti məhdudlaşdırılıb. Faktla bağlı araşdırmalar davam etdirilir.
AQTA əhalinin sağlamlığının qorunması və təhlükəsiz qida məhsulları ilə təmin edilməsi istiqamətində ardıcıl tədbirlərini bundan sonra da davam etdirəcək və istehlakçı hüquqlarının pozulmasına yönəlmiş qanunsuz halların qarşısının alınması istiqamətində daim ən sərt tədbirlər həyata keçirəcəkdir.
Oxunub: 561
Oxşar xəbərlər
- Bərdədə antisanitar vəziyyətdə saçaqlı pendir istehsal edən sex bağlanıb
- Antisanitar şəraitdə fəaliyyət göstərən quş kəsimi məntəqəsi aşkarlandı
- Antisanitar şəraitdə fəaliyyət göstərən çörək sexi bağlandı
- Antisanitar şəraitdə fəaliyyət göstərən quş kəsimi sexi aşkarlandı
- Bərdədə antisanitar şəraitdə fəaliyyət göstərən qənd sexi aşkarlanıb
- Antisanitar vəziyyətdə işləyən un sexi aşkarlandı
- Antisanitar şəraitdə fəaliyyət göstərən içki sexinin fəaliyyəti məhdudlaşdırıldı
- Gəncədə antisanitar şəraitdə fəaliyyət göstərən sex aşkarlanıb
- Bakıda daha bir antisanitar durum - Süd sexinin fəaliyyəti məhdudlaşdırıldı
- Daha bir antisanitariya nümunəsi - AQTA Gəncədə reyd keçirdi