Əmisini öldürüb evini yandıran gəncə hökm oxunub
16:42 16 Dekabr 2019
Bakı Ağır Cinayətlər Məhkəməsində əmisini öldürüb izi itirmək üçün evini yandıran Məzahir Şıxməmmədovun cinayət işi üzrə proses başa çatıb.
Femida.az -ın xəbərinə görə, hakim Azər Paşayevin sədrliyi ilə keçirilən iclasda hökm oxunub.
Hökmə əsasən, M.Şıxməmmədov 17 il müddətinə azadlıqdan məhrum edilib.
Qeyd edək ki, hadisə bu il martın 8-də "Gənclər Şəhərciyi" yaşayış kompleksi, giriş 76, ev 11 ünvanında baş verib. Həmin mənzildə çarpayıda yanmış kişi meyiti aşkarlanıb.
Abşeron Rayon Polis İdarəsinin Cinayət axtarış şöbəsi əməkdaşlarının keçirdiyi əməliyyat-axtarış tədbirləri zamanı müəyyən olunub ki, yanğın zamanı dünyasını dəyişən Şıxməmmədov Namiq Kamal oğlunun sifət nahiyəsində sınıq xəsarətləri var. Araşdırmalarla bu hadisəni mərhumun qardaşı oğlu, 1996-cı il təvəllüdlü Şıxməmmədov Məzahir Ehtiram oğlunun törətdiyi və izi itirmək məqsədilə mənzilə od vurduğu məlum olub.
Hadisəni törədən şəxs yaşadığı Sumqayıt şəhər, 17-ci mikrorayon, ev 18, mənzil 38 ünvanında saxlanılaraq Abşeron Rayon Polis İdarəsinə gətirilib.
Saxlanılan şəxs dəhşətli cinayəti spirtli içki qəbul etdikdən sonra törətdiyini etiraf edib.
Məzahir Şıxməmmədov əmisi ilə aralarında münaqişə olduğunu deyib: “Aramızda dəfələrlə münaqişə olub, nalayiq ifadələr işlədib, üstümə bıçaq çıxardıb. Bir dəfə keçmişəm, iki dəfə keçmişəm. Amma sonuncu dəfə dözmədim. Əslində, öldürmək planım olmayıb”.
O, əmisini ölümcül döydüyünü də bildirib: “Əvvəlcə 5-6 yumruq vurdum. Sonra isə üzünə və başına butulka ilə zərbə endirdim. Mənzili yandırıb oradan uzaqlaşdım”.
Ona Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adamöldürmə) maddəsi ilə ittiham verilib.
Oxunub: 501
Oxşar xəbərlər
- Əmisinin evində narkotik yetişdirən şəxs saxlanıldı
- Əmisini güllələmkdə təqsirləndirilən şəxsin məhkəməsi olacaq
- Əmisinin cibindən evin açarını götürüb oğurluq etdi - VİDEO
- Əmisinin gəlinini qaçırdığına görə öldürdülər - Məhkəmə olacaq
- Əmisini öldürdü, daha sonra yandırdı – İSTİNTAQ BAŞA ÇATDI
- Əmisini öldürüb,meyiti yandıran şəxsdən dəhşətli etiraflar (VİDEO)
- Əmisinin gəlinini qaçıran evli kişiyə belə işgəncə verdilər - Azərbaycanda DƏHŞƏTLİ OLAYIN VİDEOSU
- Əmisinin 3 gəlini ilə cinsi əlaqəyə girdi, evini yandırdı - Qubada dəhşətli hadisə