Məhkəmə ekspertizası üçün yeni institutlar tətbiq ediləcək
16:25 23 Dekabr 2019
Özəl məhkəmə ekspertinin şəhadətnaməsi sahibkarlıq fəaliyyətinə verilən icazə kimi nəzərdə tutulub.
Femida.az xəbər verir ki, bununla əlaqədar “Lisenziyalar və icazələr haqqında” Qanunda müvafiq dəyişiklik edilib.
Yeni Qanunda həmçinin ekspertlərin attestasiyasının keçirilməsi, onlara ixtisas dərəcələrinin verilməsi qaydalarına diqqət yetirilib.
Bundan başqa, məhkəmə ekspertizası fəaliyyətinin həyata keçirilməsi ilə əlaqədar bir sıra yeni institutların tətbiqi də nəzərdə tutulub.
Belə ki, məhkəmə ekspertizası fəaliyyətini həyata keçirmək hüququ olan şəxslər haqqında informasiya almaq məqsədi ilə Məhkəmə Ekspertləri Reyestrinin aparılması nəzərdə tutulub və Reyestrə daxil edilməyən şəxslərin məhkəmə ekspertizası fəaliyyəti ilə məşğul olması qadağan edilib.
Bununla yanaşı, ekspertiza fəaliyyətini həyata keçirən şəxslər tərəfindən müəyyən edilmiş metodlar üzrə tədqiqat aparılaraq rəy verilməsini təmin etmək məqsədi ilə Məhkəmə Ekspertizası Tədqiqat Metodlarının Dövlət Reyestrinin aparılması nəzərdə tutulub və Dövlət Reyestrinə daxil olmayan metoddan istifadə edilməsi üçün tələb olunan şərtlər müəyyən edilib.
Bundan başqa, məhkəmə ekspertizalarının elmi-metodik materiallarından ibarət xüsusi fondun yaradılması da nəzərdə tutulub.
Femida.az
Oxunub: 1053
Oxşar xəbərlər
- Bakıda mənimsəmədə təqsirləndirilən qadının məhkəməsində şahid dindirilib
- Tərtərdə bacısını qətlə yetirməkdə təqsirləndirilən şəxsin məhkəməsi başlayır
- Tanışını öldürməyə cəhddə təqsirləndirilən şəxsin məhkəməsi başlayır
- Bakıda dələduzluqda təqsirləndirilən şəxs məhkəmə zalında həbs edilib
- Məhkəmə hakimlərinə məzuniyyətə çıxarkən verilən pul vəsaiti azaldılıb
- Konstitusiya Məhkəməsi sədrinin maaşı 1075 manat artırılıb
- Azərbaycanda məhkəmə hakimlərinin maaşı artırılıb
- Gəncədə tanışını qətlə yetirməkdə təqsirləndirilən şəxsin məhkəməsi başlayır
- Mixeil Saakaşvilinin məhkəməsi yenidən təxirə salınıb
- Bakıda 9 il əvvəl qətl törətməkdə təqsirləndirilən şəxsin cinayət işi məhkəməyə göndərilib