“07” ağaca çırpıldı, ölən var
18:12 24 Dekabr 2019
Qaxda baş verən qəzada bir nəfər ölüb.
Femida.az -ın məlumatına görə, hadisə bu gün günorta saatlarında Qax-Qorağan avtomobil yolunda baş verib. Yevlax rayon sakininin idarə etdiyi “VAZ-2107” markalı minik avtomobili idarəetmədən çıxaraq yol kənarındakı qoz ağacına çırpılıb.
Hadisə nəticəsində maşında olan beş nəfərdən ikisi xəsarət alıb. Qax rayon Mərkəzi Xəstəxanasına yerləşdirilən 1992-ci il təvəllüdlü Vəlizadə Cəsarət Vəliş oğlu xəstəxanaya aparıldıqdan bir qədər sonra ölüb. Digər yaralının vəziyyəti yüngül olduğundan ona ilkin yardım göstərildikdən sonra buraxılıb.
Faktla bağlı araşdırma aparılır.
Oxunub: 517