Sükan arxasında siqaret çəkən 235 sürücü cəzalandırılıb
12:52 29 Dekabr 2019
“Tütün məmulatlarının istifadəsinin məhdudlaşdırılması haqqında” Azərbaycan Respublikasının Qanunundan irəli gələn bəzi məsələlərin icrası ilə bağlı həyata keçirilən layihə uğurla davam edir.
Bakı Nəqliyyat Agentliyindən Femida.az-a verilən məlumata görə, layihənin icra edildiyi 4-cü rübün sonunda sərnişinlər tərəfindən avtobus sürücülərinin sükan arxasında tütün məmulatından istifadə etməsi ilə bağlı ümumilikdə 127 müraciət daxil olub. Bu müraciətlər əsasında müxtəlif müntəzəm marşrut xətlərində çalışan 36 nəfər avtobus sürücüsü barəsində İnzibati Xətalar Məcəlləsinə uyğun olaraq tənbeh tədbiri görülüb. Eyni zamanda, rüb ərzində müvafiq inzibati xəta barəsində daha çox məlumat verən, tütün məmulatlarından istifadəyə qarşı mübarizə tədbirlərində Bakı Nəqliyyat Agentliyinə dəstək olan bir neçə sərnişin isə mükafatlandırılıb.
Qeyd edək ki, 2019 cu ilin yekunlarına əsasən vətəndaşlar tərəfindən ümumulikdə 429 xəta təqdim edilib. 235 sürücü barəsində İnzibati Xətalar Məcəlləsinə əsasən protokol tərtib edilib.
Femida.az
Oxunub: 912
Oxşar xəbərlər
- Sükan arxasında siqaret çəkən 55 avtobus sürücüsü cəzalandırılıb
- Sükan arxasında siqaret çəkən sürücülərlə bağlı - Xəbərdarlıq edildi
- Sükan arxasında narkotik qəbul edən avtobus sürücüsü danışdı
- Sükan arxasında narkotik qəbul edən sürücü həbs olundu - Bakıda
- Sükan arxasında ürəyi dayandı - Sabirabadda FACİƏ