Nərmin faciəsi vətəndaşlarımız üçün ciddi siqnal olmalıdır
18:45 08 Yanvar 2020
Nərmin faciəsi təkcə hüquq-mühafizə orqanları üçün yox, vətəndaşlarımız üçün də ciddi bir siqnal olmalıdır. Hər evdə olan körpə belə təcavüzlərin qurbanına çevrilə bilər. Ona görə də hər birimiz ətrafımızda olan şəxslərin potensial cinayətkar olmasından azca da şübhələndiyimizdə bu haqqda hüquq-mühafizə orqanlarına müraciət etməliyik. Ayıq davranmalıyıq. Cinayətkarlığa qarşı mübarizədə yaxamızı kənara çəkməməliyik. Bu bizim cəmiyyətimizdir və baş verən bəlalardan heç birimiz sığortalanmamışıq.
Firkimcə cinayətkarlığa qarşı mübarizədə vətəndaş dözülməzliyini ifadə edən təbliğat işlərində ciddi nöqsanlar var. Zorakılığa meyilli insanların ilk baxışdan hansı əlamətlərə malik olması, onların davranışı danışığı və s. barədə geniş maarifləndirmə aparılmalıdır. Bu vəzifə həm KİV-nin, həm də hüquq-mühafizə orqanlarının üzərinə düşür.
Ancaq bu o, demək deyil ki, hüquq-mühafizə orqanları yalnız vətəndaşların məlumatlarını gözləməlidirlər. Nərminin itkin düşməsi ilə bağlı kifayət qədər əməliyyat-axtarış tədbirləri keçirilərək, onun tapılması təmin edilməli idilər. Bu sıradan bir cinayət deyil, insanlığı sarsıdan cinayətdir.
Sosial-mediada aparılan müzakirələrdə belə cinayətlərin cəzasız qalması və ya cinayət qanunvericiliyində yüngül cəza nəzərdə tutulması ilə bağlı səhv fikirlər səslənir. Əslində bu cinayətin ictimai təhlükəliliyi digər cinayətlərdən dəfələrlə artıqdır. Ona görə də cinayət qanunvericiliyinə əsasən xüsusi ilə ağır cinayətlər hesab edilir.
Bəziləri yeni şok effekti yaratmaq və ya səlahiyyətli orqanların fəaliyyətini kölgə altına almaq məqsədi ilə hüquq-mühafizə orqanlarını fəaliyyətsizlikdə ittiham edirlər. Nəzərə almaq lazımdır ki, cinayətkar həmişə hüquq-mühafizə orqanlarından bir addım öndədir. İnkişaf etmiş ölkələrin statistikasıa baxsaq, uşaq zorakılığı hallarının Azərbaycan Respublikasından dəfələrlə artıq olduğunu görə bilərik.
İlqar Eyyubov
Hüquq üzrə Fəlsəfə Doktoru
Azərbaycan Vəkillər Kollegiyasının üzvü
Femida.az
Oxunub: 1174
Oxşar xəbərlər
- "Nərmin işi"ndə şok detal: İlkinin telefonunda çılpaq videolara kim baxıb?
- "Nərminin meytinin tapıldığı gün..." - İlkin Süleymanov ifadə verdi
- Təcridxanadakı kamera yoldaşı: "İlkin Nərmini öldürdüyünü etiraf etdi"
- Nərmin qaçırılan gün onunla birlikdə olan sinif yoldaşı məhkəmədə ifadə verib
- Nərminin işində İlkin Süleymanov DƏHŞƏTLİ FAKTLARI AÇDI: Həmin gecə səhərə qədər...
- Nərmin Quliyevanın əmisi arvadı məhkəmədə ziddiyyətli ifadə verib
- Nərmin Quliyevanın əmisi oğlu məhkəmədə yenidən dindirilib
- Nərmin Quliyevanın sinif yoldaşı məhkəmədə ifadə verib
- Nərminin qətlində təqsirləndirilən İlkin Süleymanovun məhkəməsi təxirə salınıb
- İlkin Süleymanovun məhkəməsində Nərmin Quliyevanın əmisi ifadə verib