Parlament seçkilərində səsvermənin yeri və vaxtı barədə seçicilərin xəbərdar edilməsi prosesi başa çatır


09:01     14 Yanvar 2020 publika.az1442908166secki-vote-election.jpeg



Milli Məclisə növbədənkənar seçkiləri ilə bağlı məntəqə seçki komissiyaları tərəfindən seçki günü səsvermənin yeri və vaxtı barədə KİV və məlumat lövhələri vasitəsilə seçicilərin xəbərdar edilməsi prosesi bu gün başa çatır.

Femida.az-ın məlumatına görə, Seçki Məcəlləsinin 104.1-ci maddəsinə əsasən, məntəqə seçki komissiyaları tərəfindən seçki günü səsvermənin yeri və vaxtı barədə KİV və məlumat lövhələri vasitəsilə seçicilərin xəbərdar edilməsi prosesi səsvermə gününə azı 25 gün qalanadək başa çatmalıdır.

Milli Məclisə növbədənkənar seçkilərlə əlaqədar bu müddət 2020-ci il yanvarın 15-dək olan dövrü əhatə edir.

Növbədənkənar seçkilər fevralın 9-da keçiriləcək.

Femida.az

Açar sözlər:

Oxunub: 328