Rüşvət almasına dair görüntüləri yayılan DYP əməkdaşı işdən çıxarılıb


11:19     14 Yanvar 2020 polis8.jpg

Daxili İşlər naziri, general-polikovnik Vilayət Eyvazov rüşvət almaqda şübhəli bilinən polis əməkdaşını işdən çıxarıb.



Baş Dövlət Yol Polisi İdarəsinin (DYP) şöbə rəisi, polis polkovnik-leytenantı Rüfət Quliyev Femida.az-a bildirib ki, Vilayət Eyvazovun əmri ilə Yol Patrul Xidməti Alayının əməkdaşı, polis baş serjantı Vüqar Mehdiyev daxili işlər orqanlarında xidmətdən xaric edilib.

Qeyd edək ki, bir müddət öncə sosial şəbəkələrdə yol polisinin yük maşınlarının sürücülərindən rüşvət istəməsi barədə video yayılmışdı. Görüntülərdə yük maşınlarının sürücülərindən “postun pulu” adı ilə 10 manat istəyən YPX əməkdaşı əks olunub.


Xatırladaq ki, xəbəri ilk unikal.org saytı yayıb.


Açar sözlər:

Oxunub: 421