Təhsil Nazirliyi: “Qaynar xətt”ə edilən 2 müraciəti hüquq-mühafizə orqanları araşdırır


16:01     15 Yanvar 2020 1442037015_trend_tehsil_nazirliyi_education_ministre_300615_3.jpg

Təhsil Nazirliyinin “Qaynar xətt”inə edilən müraciət əsasında nöqsanlara yol vermiş 2 məsul şəxsə töhmət verilib, 2 müraciət əsasında isə toplanmış materiallar əsasında hüquq-mühafizə orqanlarında araşdırma aparılır.


Təhsil Nazirliyindən Femida.az-a verilən məlumata görə, 2019-cu ilin dekabr ayında Təhsil Nazirliyinin xüsusi hallarla bağlı 146-2 “Qaynar xətt” xidmətinə 33 müraciət daxil olub. Bakı, Sumqayıt, Mingəçevir, Gəncə şəhərləri, Lənkəran, Bərdə, Tovuz, Oğuz, Lerik, Saatlı, Füzuli, Xaçmaz, Gədəbəy və Zəngilan rayon məktəblərindən daxil olan bu müraciətlər əsasən şagirdlər arasında qısnama halları və ya şagird-müəllim arasında yaranmış münaqişə vəziyyətləri ilə bağlıdır.

Təhsil Nazirliyinin tapşırığına əsasən, müraciətlər şagirdlərin, onların valideynlərinin və müəllimlərinin iştirakı ilə yerində dərhal araşdırılıb. Araşdırma nəticəsində Mingəçevir şəhər 7 nömrəli və Lənkəran rayonu Mamusta kənd tam orta məktəblərində təsdiqini tapmış hallar həmin məktəblərin Pedaqoji şuralarının müzakirəsinə çıxarılıb.

Femida.az

Açar sözlər:

Oxunub: 328