Mərkəzi Bankın strukturu dəyişib
15:45 16 Yanvar 2020
Maliyyə Bazarlarına Nəzarət Palatasının (MBNP) ləğv edilərək səlahiyyətlərinin Azərbaycan Mərkəzi Bankına (AMB) verilməsi ilə əlaqədar bu qurumda struktur dəyişiklikləri həyata keçirilib.
Femida.az bu barədə AMB-nin internet səhifəsinə istinadən xəbər verir.
Məlumata görə, dəyişikliklər çərçivəsində qurumda Əli Əhmədovun rəhbərlik etdiyi Bazar əməliyyatları departamenti, Şaiq Adıgözəlovun rəhbərlik etdiyi İqtisadi təhlil departamenti, Toğrul Əliyevin rəhbərlik etdiyi Risklərin idarə edilməsi departamenti, Namiq Yaqublunun rəhbərlik etdiyi Satınalmalar bölməsi ləğv edilib.
Əvəzində AMB-də Fuad İsayevin rəhbərliyi ilə Kredit təşkilatlarının fəaliyyətinə nəzarət departamenti, Elrad Seydiyevin rəhbərliyi ilə Maliyyə bazarlarında əməliyyatlar departamenti, Vüsal Qurbanovun rəhbərliyi ilə Sığorta fəaliyyətinə nəzarət departamenti, Tərlan Rəsulovun rəhbərliyi ilə Valyuta ehtiyatlarının idarə edilməsi departamenti, Elnur Allahverdiyevin rəhbərliyi ilə Lisenziyalaşdırma şöbəsi və Zaur Hacılının rəhbərliyi ilə Maliyyə monitorinq bölməsi yaradılıb.
Arif Şirəliyevin rəhbərlik etdiyi Strateji idarəetmə departamenti Korporativ idarəetmə departamenti adlandırılıb, Elizbar Əzimovun rəhbərlik etdiyi Ümumi şöbə isə Katibliyə çevrilib.
Digər 14 departament (Beynəlxalq əməkdaşlıq və kommunikasiya, Daxili audit, Hüquq, İnformasiya texnologiyaları, İnsan resursları, İnzibati, Maliyyə idarəetməsi, Nağd pul, Ödəniş sistemləri və hesablaşmalar, Pul siyasəti, Statistika, Tədqiqatlar, Təhlükəsizlik, Xəzinə) olduğu kimi qalıb.
Femida.az
Oxunub: 721
Oxşar xəbərlər
- Mərkəzi Bank İdarə Heyətinin sabiq üzvlərinin işdən azad edilməsi ilə bağlı açıqlama yayıb
- Mərkəzi Bankın İdarə Heyətinə üzvlər təyin ediləcək
- Mərkəzi Bankın İdarə Heyətinə yeni üzv təyin edilib
- Mərkəzi Bank açıqlama yaydı
- Mərkəzi Bankın valyuta ehtiyatları cüzi azalıb
- Mərkəzi Nəbatat Bağında yanğın olub
- Mərkəzi Afrika Respublikasında 13 nəfər öldürülüb
- Mərkəzi Xəstəxananın direktoru vəzifəsindən azad olunub
- Mərkəzi Bankın hərracında dollara tələb artıb
- Mərkəzi Bank dizaynerlər üçün müsabiqə elan edib