FHN-də 20 yanvar şəhidlərinin xatirəsi anılıb
09:18 18 Yanvar 2020
Fövqəladə Hallar Nazirliyinin qurumlarında və regional mərkəzlərində 20 Yanvar faciəsinin 30-cu ildönümü ilə bağlı anım tədbirləri keçirilib.
FHN-dən Femida.az-a bildiriblər ki, anım mərasimlərində 20 Yanvar şəhidlərinin xatirəsi bir dəqiqəlik sükutla yad edilib, bu qanlı hadisənin Azərbaycanın azadlıq mübarizəsi tarixində şanlı səhifələrindən biri olduğu xüsusi vurğulanıb.
Qeyd olunub ki, 1990-cı il yanvarın 19-dan 20-nə keçən gecə keçmiş sovet ordusunun hərbi hissələri Bakı və Sumqayıt şəhərlərinə, eyni zamanda, Azərbaycanın bir çox şəhər və rayonlarına yeridilib, nəticədə çoxlu sayda günahsız mülki şəxs amansızcasına qətlə yetirilib. Faciənin ertəsi günü Azərbaycanın Moskvadakı daimi nümayəndəliyinə gələn xalqımızın ümummilli lideri Heydər Əliyev qanlı Yanvar qırğınını törədənləri pisləyən kəskin bəyanatla çıxış edib. 1993-cü ildə xalqın israrlı tələbi ilə hakimiyyətə qayıtdıqdan sonra Ulu Öndərin təşəbbüsü ilə bu hadisəyə siyasi-hüquqi qiymət verilib, həmin tarix Ümumxalq Hüzn Günü elan edilib.
Heydər Əliyev siyasi kursunun mahir davamçısı Prezident İlham Əliyev 20 Yanvar faciəsi qurbanlarının xatirəsinin əbədiləşdirilməsi və faciə qurbanlarının ailələrinin ali dövlət qayğısı ilə əhatə olunması istiqamətində mühüm işlər görür.
Toplantıların sonunda Qanlı Yanvar hadisələrindən bəhs edən sənədli filmlər nümayiş olunub.
Femida.az
Oxunub: 716
Oxşar xəbərlər
- FHN-dən hava ilə bağlı əhaliyə xəbərdarlıq
- FHN-də yanğın təhlükəsizliyi ilə bağlı müşavirə keçirilib
- FHN-dən yataqxanadakı yanğınla bağlı açıqlama
- FHN-dən azad edilmiş ərazilərdəki yanğın təhlükəsi ilə bağlı müraciət - VİDEO
- FHN-dən real əməliyyat görüntüləri - VİDEO
- FHN-dən avtomobil sahiblərinə müraciət
- FHN-dən Daşkəsəndəki yanğınla bağlı açıqlama
- FHN-də kadr dəyişikliyi aparılıb
- FHN-də “EuroHome”da baş vermiş yanğının söndürülməsinə həsr olunmuş əməliyyat müşavirəsi keçirilib
- FHN-də BMT nümayəndə heyəti ilə görüş keçirilib