Nazirlikdən vətəndaşlara müraciət: Telefonla məlumat verin
21:01 26 Noyabr 2015
İqtisadiyyat və Sənaye Nazirliyi qiymətləri Tarif (qiymət) Şurası tərəfindən təsdiq edilmiş dərman vasitələri ilə bağlı vətəndaşlara müraciət edib.
Nazirliyin mətbuat xidmətindən Femida.az-a verilən məlumata görə, Antiinhisar Siyasəti və İstehlakçıların Hüquqlarının Müdafiəsi Dövlət Xidməti dərman vasitələrinin Tarif (qiymət) Şurası tərəfindən təsdiq edilmiş qiymətlərlə satışına nəzarət, habelə insanların həyat və sağlamlığına təhlükə yaradan malların satışının və süni qiymət artımının qarşısının alınması məqsədi ilə istehlak bazarında müayinə, müşahidə, baxış və s. formalarda tədbirlərini davam etdirir:
“Azərbaycan Respublikasının Prezidenti İlham Əliyev çıxışlarında neqativ halların vaxtında aşkar edilməsi və qarşısının alınması məqsədi ilə vətəndaş fəallığının artırılmasını, ictimai nəzarətin gücləndirilməsini, rast gəlinən qanun pozuntuları barədə dərhal aidiyyəti üzrə məlumat verilməsini vurğulamış, vətəndaş müraciətlərinə operativ və ədalətli baxılmasının təmin olunmasını dövlət orqanları qarşısında vəzifə kimi müəyyənləşdirmişdir”.
Bununla əlaqədar olaraq, İqtisadiyyat və Sənaye Nazirliyi vətəndaşlara dərman vasitələrinin Tarif (qiymət) Şurası tərəfindən təsdiq edilmiş qiymətlərdən baha satılması, keyfiyyətsiz və insan sağlamlığına təhlükə törədə biləcək malların satışı, süni qiymət artımı hallarına rast gəldikdə bu təsərrüfat subyektləri (ünvanları göstərilməklə) barədə operativ tədbirlərin görülməsi üçün nazirliyin 195-2 Çağrı Mərkəzinə və ya nazirlik yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə (012) 498-15-01/04 nömrəli telefonlarla məlumat vermələrini tövsiyə edir.
Oxunub: 1615
Oxşar xəbərlər
- "Bakmil"ə gedənlərin nəzərinə
- Daha bir avtobus qəzası - Piyada öldü
- 14 yaşlı qız itkin düşüb - FOTO
- Azərbaycanlı iş adamından 500 minlik DƏLƏDUZLUQ
- Ərəblərin Qəbələ sevgisi - BƏƏ-dən birbaşa reys açıldı
- Özünü qatarın altına atıb öldürən gəncin FOTOLARI + VİDEO
- İşsizlərə ŞAD XƏBƏR!
- `Ölüm son deyil...` - İntihar edən şairin son şeiri və FOTOLARI
- Sarkisyan xəstəxanaya yerləşdirildi
- Salatın Əsgərovanı qətlə yetirən ermənilər kimlərdir? -ADLAR