Rusiya Türkiyəyə sanksiyalar tətbiq edir
22:13 26 Noyabr 2015
Rusiyanın baş naziri Dmitri Medvedev hökumətə 2 gün ərzində iqtisadi və humanitar sahələrdə Türkiyəyə qarşı məhdudlaşdırıcı tədbirlər işlənib hazırlanmasını tapşırıb.
Məlumata əsasən D. Medvedev bunu hökumətin iclasında deyib. O bildirib ki, tədbirlərin hansı müddətə tətbiq olunacağı göstərilməyəcək, çünki bu məsələ beynəlxalq situasiya və Türkiyə ilə münasibətlərin gedişində asılı olacaq.
D. Medvedev cavab tədbirləri haqqında qərarın 2006-cı ilin sonlarında qəbul olunmuş xüsusi iqtisadi tədbirlər haqqında qanuna uyğun olacağını söyləyib: “Orada tədbirlər paketi əksini tapıb. Bu sıraya iqtisadi əməkdaşlıq proqramlarının dayandırılması, maliyyə əməliyyatlarının, xarici ticarət sövdələşmələrinin məhdudlaşdırılması, idxal-ixrac rüsumlarının dəyişdirilməsi, turizm sahəsində tədbirlər, daşımalar, hava və su nəqliyyatının hərəkəti və humanitar əlaqələr daxildir”.
Baş nazir Türkiyəyə qarşı cavab addımlarının vahid sənəddə toplanacağını, ya prezidentin fərmanı, ya da bu fərman əsasında hökumətin qərarı şəklində olacağını vurğulayıb. Rusiyanın iqtisadi inkişaf naziri Aleksey Ukyukayev isə Türkiyəyə məxsus təyyarə və gəmilərin Rusiya hava məkanı və limanlarına daxil olmasına qadağa qoyula biləcəyini açıqlayıb. (APA)
Oxunub: 830
Oxşar xəbərlər
- Rusiya aviabazasına böyük zərbə - Suriyada
- Rusiyada kütləvi dava - Azərbaycanlı ağır yaralandı
- Rusiyada yaşayan azərbaycanlı alim vəfat etdi
- Rusiyada qəza: 10 nəfər ölüb
- Rusiya səfirininin ölümü ilə bağlı HƏBS QƏRARI
- Rusiyada həmyerlimiz 12 il azadlıqdan məhrum edildi
- Rusiya polisi `Lotu Quli`ni axtarır
- Rusiya Kamçatkada yeni ordu yaradır
- Rusiya Mərkəzi Bankının sədri ABŞ-ı hədələdi
- Rusiya telekanalında azərbaycanlı və erməni ekspertlər əlbəyaxa oldu - VİDEO