XİN: Çexiya Azərbaycana ixrac və investisiyaları artırmaq niyyətindədir
10:18 24 Yanvar 2020
"Çexiya Azərbaycanla ikitərəfli iqtisadi əməkdaşlığı genişləndirmək, xüsusilə də Azərbaycana ixrac və investisiyaları artırmaq niyyətindədir".
Bunu Femida.az-a müsahibəsində Çexiyanın Xarici İşlər naziri Tomaş Petrşiçek deyib.
O bildirib ki, yeni layihələrin işə düşməsi üçün imkanlar birgə komissiyanın iclasında yarana bilər:
"Ümid edirik ki, komissiyanın iclası yaxın zamanlarda baş tutacaq. İqtisadi əməkdaşlıq Milli Məclisin yeni seçiləcək deputatları ilə çexiyalı həmkarları arasında da müzakirə oluna bilər. Çünki Çexiya Deputatlar Palatasının İqtisadi komitəsi bu il Azərbaycana səfər etməkdə maraqlıdır".
Nazir qeyd edib ki, Çexiya Avropa İttifaqı (Aİ) ilə Azərbaycan arasında yeni hərtərəfli saziş üzrə danışıqları dəstəkləyir.
T.Petrşiçek əlavə edib ki, 2020-ci ildə ölkələr Çexiyanın Bakıdakı səfirliyinin açılmasının 10 illiyini və Bakıda iki ölkə prezidentləri arasında imzalanmış Strateji tərəfdaşlıq barədə birgə bəyannamənin 5 illiyini qeyd edəcək.
2019-cu ilin yekunlarından danışan nazir deyib ki, ötən il ikitərəfli siyasi və iqtisadi münasibətlərdə, eləcə də mədəniyyət və təhsil sahələrində müsbət addımlarla yadda qaldı:
"İyunda Praqada siyasi məşvərətlər baş tutdu. Çexiya XİN rəhbərinin müavinləri Aleş Xmelarj və Martin Poveyşil azərbaycanlı həmkarları Xələf Xələfovla görüşüb və ikitərəfli münasibətləri müzakirə ediblər. Görüşlər zamanı bizim tərəfimizdən vurğulanıb ki, danışıqlara əsaslanan sülh yolu Dağlıq Qarabağ münaqişəsinin nizamlanmasının yeganə üsuludur".
Nazir vurğulayıb ki, ötən il ərzində ikitərəfli münasibətlər təhsil sahəsində də inkişaf edib:
"Tələbə vizalarının, eləcə də Vışeqrad təqaüdünün alınması üçün müraciətlərin sayı bir daha Çexiya universitetlərinin azərbaycanlı tələbələr arasında nə dərəcədə populyar olduğunu göstərdi".
Femida.az
Oxunub: 753
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- Ceyhun Bayramov: “Müstəqilliyimizə dəstəyə görə qardaş Özbəkistana minnətdarıq”
- Nazirlik nümayəndəsi: “İndiyədək Xocavənddə 25 nəfərin meyitinin qalıqları aşkarlanıb”
- Ukrayna Baş Qərargahı: "Son sutkada Rusiyanın 44 tankı məhv edilib"
- BNA: "147 avtobusun hərəkət intervalında gecikmə var"
- Xanlar Vəliyev: “Ötən 8 ayda qeydə alınmış cinayətlərin 99 faizi açılıb”
- DİN: "Razılaşdırılmamış aksiyanın qarşısı alınacaq"
- Heydər Məmmədov: "Prokurorluqda israfçılığa yol verilməməsi üçün bir çox işlər görülüb"
- Azərbaycan XİN: "Ermənistan bölgədə vəziyyəti gərginləşdirmək istəyir"