Tanışını polisə düzəltmək adı ilə dələduzluq edən şəxslə bağlı qərar elan olunub
18:22 24 Yanvar 2020
Ali Məhkəmədə dələduzluqda təqsirləndirilən Asif Məmiyevin barəsində olan hökmdən verilən kassasiya şikayətinə baxılıb.
“Report”un xəbərinə görə, hakim Hafiz Nəsibovun sədrliyi ilə keçirilən prosesdə qərar elan olunub.
Qərara əsasən, A.Məmiyevin kassasiya şikayəti təmin etməyib.
İttiham aktına əsasən, A.Məmiyev 2017-ci ildə tanışı E.Şəfiyevin etibarından sui-istifadə edərək dələduzluq edib.
Belə ki, o, Daxili İşlər Nazirliyinin (DİN) Sumqayıt Şəhər Polis İdarəsinin (ŞPİ) Dövlət Yol Polisi (DYP) Şöbəsinə polis nəfəri vəzifəsinə işə qəbul etdirib, 6 ay işlədikdən sonra ona leytenant rütbəsi verdirib, zabit kimi işləyəcəyinə vəd verib. Daha sonra A.Məmiyev tanışını bu yolla aldadıb, ondan 5600 manat pulu dələduzluq yolu ilə ələ keçirib.
E.Şəfiyevin şikayəti əsasında saxlanılan A.Məmiyev barəsində Cinayət Məcəlləsinin 178.2.4-cü (dələduzluq, xeyli miqdarda ziyan vurmaqla törədildikdə) maddəsi ilə ittiham irəli sürülüb.
Xətai Rayon Məhkəməsinin hökmü ilə o, 2 il 6 ay müddətinə azadlıqdan məhrum edilib. Hökmdən narazı qalan məhkum apellyasiya şikayəti verib. Bakı Apellyasiya Məhkəməsi E.Məmiyevin şikayətini təmin etməyib. Daha sonra o, kassasiya şikayəti ilə Ali Məhkəməyə müraciət edib.
Xatırladaq ki, E.Məmiyev daha əvvəllər də məhkumluq həyatı yaşayıb.
Oxunub: 938
Oxşar xəbərlər
- Tanışını öldürməyə cəhddə təqsirləndirilən şəxsin məhkəməsi başlayır
- Tanışını öldürməyə cəhddə təqsirləndirilən şəxsə hökm oxunub
- Tanışını bıçaqlamaqda təqsirləndirilən şəxsin məhkəməsi başlayır
- Tanışını mətbəx bıçağı ilə öldürdü - İSTİNTAQ
- Tanışını bıçaqlayan Gəncə sakininin cinayət işi məhkəməyə göndərildi
- Tanışını bıçaqlayan şəxsin məhkəməsi olacaq
- Tanışını taxta parçasıyla qətlə yetirdi - 16 il cəza
- Tanışını qətlə yetirən şəxs tutulub
- Tanışını taxta parçası öldürən şəxsə hökm oxunub
- Tanışını ayağından güllələdi