Penitensiar Xidmətin rüşvətdə təqsirləndirilən bölük komandirindən xəbər var
13:03 27 Yanvar 2020
Penitensiar Xidmətin hərbi hissəsində bölük komandiri olmuş Kazım Həsənovun barəsində olan hökmdən apellyasiya şikayəti verilib.
Femida.az-ın xəbərinə görə, Bakı Apellyasiya Məhkəməsinə müraciət edən K.Həsənov barəsində bəraət hökmünün çıxarılmasını istəyir.
Məhkəmənin ilkin baxış iclası yanvarın 28-nə təyin edilib.
Şikayət hakim Mirzəli Abbasovun icraatına verilib.
Qeyd edək ki, K.Həsənov Cinayət Məcəlləsinin (CM) 311.2.3 (təkrar rüşvət alma) maddəsi ilə ittiham edilir.
Rəsmi ittihama görə, o, tabeliyində olan əsgərlərdən həftəsonu buraxılışı və uzunmüddətli məzuniyyətlər üçün rüşvət alıb.
K.Həsənov özünü təqsirli bilməyir. Onun barəsində polis nəzarətinə verilmə qətimkan tədbiri seçilmişdi.
Bakı Ağır Cinayətlər Məhkəməsinin hökmünə əsasən, K.Həsənova CM-nin 62-ci (cinayətə görə müəyyən edilmiş cəzadan daha yüngül cəza təyin edilməsi) maddəsi tətbiq edilməklə 5 il azadlıqdan məhrumetmə cəzası verilib. Həmçinin hökmdə ona CM-nin 70-ci (şərti məhkumetmə) maddəsi tətbiq edilib.
Femida.az
Oxunub: 622
Oxşar xəbərlər
- Penitensiar xidmət Saleh Rüstəmovun son durumunu açıqlayıb
- Penitensiar xidmətin əsgəri özünü güllələyərək intihar edib
- Penitensiar Xidmətin həbsxanasında nöqsanlar aşkarlandı
- Penitensiar xidmət qətlə yetirildiyi iddia edilən məhkumun ölüm səbəbini açıqlayıb
- Penitensiar Xidmətin Müalicə Müəssisəsinə yumurtanın içində narkotik keçirmək cəhdinin qarşısı alınıb
- Penitensiar Xidmət Tofiq Yaqublu ilə bağlı məlumat yaydı
- Penitensiar Xidmətdə xüsusi karantin şöbələri yaradıldı
- Penitensiar Xidmət həbs olunan icra başçısı haqqındakı məlumatları təkzib etdi
- Penitensiar Xidmətdə əsgər özünü güllələdi
- Penitensiar müəssisələrdə koronavirusla mübarizə yüksək səviyyədə təşkil olunub