Vəkilliyə namizəd 84 nəfər icbari təlimə buraxılıb
19:37 29 Yanvar 2020
Vəkilliyə qəbul üzrə ixtisas imtahanının yazılı test mərhələsini müvəffəqiyyətlə keçən, “Vəkillər və vəkillik fəaliyyəti haqqında” Qanunun 8-ci maddəsinin birinci hissəsinə əsasən, əvvəllər vəkil (intizam qaydasında vəkillik fəaliyyətinə xitam verilmiş şəxslər istisna olmaqla) və ya hakim olmuş şəxslərdən 103 nəfər vəkilliyə namizədin peşə yararlılığının yoxlanılması məqsədilə noyabrın 17-dən yanvarın 28-dək ixtisas imtahanının şifahi müsahibə mərhələləri keçirilib.
Vəkillər Kollegiyasından Femida.az -a bildirilib ki, imtahanların nəticəsinə görə, vəkillərin ixtisas komissiyasından peşə yararlılığına dair rəy almış 84 namizəd icbari təlimə buraxılıb. İcbari təlimdə namizədlərin vəkil peşəsinə hazırlanmaları təmin ediləcək, onlara vəkillik fəaliyyətinin səmərəli təşkili, vəkil etikası, insan haqları və digər aktual məsələlərə dair mövzular peşəkar ekspertlərin iştirakı ilə tədris olunacaq. Namizədlər müxtəlif aidiyyəti qurumlarda təcrübə də keçəcəklər.
Vəkilliyə qəbul üzrə ixtisas imtahanlarının şifahi mərhələsindən müvəffəqiyyət qazanmış namizədlərin fevralın 17-də saat 09:00-dan gec olmayaraq Azərbaycan Respublikası Ədliyyə Nazirliyinin Ədliyyə Akademiyasına (Bakı şəhəri Vidadi küçəsi 158) gəlmələri xahiş edilir. Əlavə məlumatı 012 594-14-95 telefon nömrəsindən öyrənmək mümkündür.
İxtisas imtahanının şifahi müsahibə mərhələsində müvəffəqiyyət qazanmış, əvvəllər vəkil və ya hakim olmuş üç nəfər vəkillik haqqında qanunvericiliyin tələblərinə əsasən icbari təlimə cəlb edilmədən andiçməyə buraxılıb.
Femida.az
Oxunub: 1084
Oxşar xəbərlər
- Vəkilliyə namizədlərlə onlayn icbari təlimə başlanıldı
- Vəkilliyə namizəd olan 94 nəfər icbari təlimə buraxıldı
- Vəkilliyə namizəd olan 233 nəfər imtahan verir - CANLI YAYIM
- Vəkilliyə qəbul olmaq istəyən şəxslərin NƏZƏRİNƏ!
- Vəkilliyə qəbul üçün növbəti imtahan tarixi AÇIQLANDI
- Vəkilliyə qəbul imtahanının nəticələri AÇIQLANDI
- Vəkilliyə namizədlərdən 90 nəfəri icbari təlimə buraxılıb
- Vəkilliyə qəbul imtahanının nəticələri açıqlandı
- Vəkilliyə qəbul üzrə növbəti imtahanın vaxtı açıqlandı
- Vəkilliyə qəbul qaydaları DƏYİŞDİ