“İnstagram”da narkotik qəbulunu təbliğ edən şəxs saxlanılıb - FOTO
16:28 31 Yanvar 2020
Daxili İşlər Nazirliyinə “İnstagram” sosial şəbəkəsindəki “polisazerbaycan” rəsmi səhifəsinə vətəndaşlardan biri müraciət edərək həmin sosial şəbəkədəki “tt.elcan_” adlı profildə narkotik vasitələrin qəbulunun təbliğ edildiyi barədə məlumat verib.
Nazirlikdən Femida.az-a verilən xəbərə görə, məlumat aidiyyəti üzrə Baş Narkotiklərlə Mübarizə İdarəsinə göndərilib. Həyata keçirilən təxirəsalınmaz əməliyyat-axtarış tədbirləri nəticəsində “tt.elcan_” səhifəsinin Bakı şəhəri Suraxanı rayonu Hövsan qəsəbəsində yaşayan Elcan Şahverdiyevə məxsus olduğunu məlum olub. O, qısa zamanda saxlanılaraq məsuliyyətə cəlb edilib. E. Şahverdiyev ifadəsində “İnstagram” sosial şəbəkəsində narkotik vasitələrin qəbulunu təbliğ etdiyini etiraf edib.
Qeyd edək ki, E.Şahverdiyev artıq İnzibati Xətalar Məcəlləsinin müvafiq maddəsinə əsasən məhkəmənin qərarı ilə 25 sutka müddətində inzibati qaydada həbs edilib.
Femida.az
Oxunub: 1004
Oxşar xəbərlər
- “İnstagram”da xəstə uşağın şəkillərini paylaşıb yığılan pulu xərcləyən şəxs saxlanılıb
- “İnstagram”da narkotik təbliğ edən şəxs tutuldu
- “İnstagram”da narkotiki təbliğ edən şəxs həbs edilib
- “İnstagram”da narkotik qəbulunu təbliğ edən videolar yayan şəxs həbs edilib
- “Instagram”da azyaşlı qızları fahişəliyə cəlb edən şəxs tutuldu - FOTOLAR
- “İnstagram”da 200 nəfəri aldadan şəxs tutuldu - FOTOLAR
- “İnstagram”da daha bir YENİLİK