Parlament seçkiləri ilə bağlı seminarlara başlanılıb
10:56 01 Fevral 2020
2020-ci il fevralın 9-da keçiriləcək Azərbaycan Respublikasının Milli Məclisinə seçkilərlə əlaqədar Mərkəzi Seçki Komissiyasının (MSK) müxtəlif statuslu seçki iştirakçılarının maarifləndirilməsi istiqamətində irimiqyaslı tədbirlər davam edir.
Femida.az-ın məlumatına görə, seçki günü məlumatlarının operativ şəkildə ictimailəşdirilməsi və şəffaflığın daha yüksək səviyyədə təmin edilməsi məqsədi ilə Komissiya fevralın 1-dən etibarən növbəti əhəmiyyətli layihəyə - dairə seçki komissiyalarının informasiya texnologiyaları üzrə mütəxəssisləri üçün seminarlara başlayıb.
Seminarların başlıca hədəfi İT mütəxəssislərinin Dövlət Avtomatlaşdırılmış İnformasiya Sisteminin ümumi fəaliyyəti və yenilənərək daha da təkmilləşdirilən imkanları barədə aydın və ətraflı məlumatlandırmaq, habelə sistem üzərindən tətbiq olunan proqram təminatlarından praktiki istifadə etməklə mütəxəssisləri maraqlandıran sualları əyani şəkildə izah etməkdən ibarətdir.
Layihənin mahiyyətindən irəli gələrək seminarlar çərçivəsində İT mütəxəssislərinə Milli Məclisə seçkilər günü seçicilərin fəallığı ilə yanaşı, səsvermənin nəticələri ilə bağlı protokol məlumatlarının Mərkəzi Seçki Komissiyasına birbaşa ötürülməsi üçün xüsusi proqram modullarından praktiki məşğələlərlə test rejimində işləmək imkanı da yaradılır.
İT mütəxəssislərinin iş təcrübələri, peşəkar vərdişləri və praktiki biliklərinin gücləndirilməsi istiqamətində mühüm rol oynayan seminarlar fevralın 2-də öz işini yekunlaşdıracaq.
Oxunub: 660
Oxşar xəbərlər
- Parlament güclü təsir edən maddələri satanların 10 il həbs olunmasına dair layihəni qəbul edib
- Parlamentin yaz sessiyasının işlər planı təsdiqlənib
- Parlamentin komitə iclaslarının vaxtı açıqlanıb
- Parlament hərbçilərin sığortası ilə bağlı layihəni qəbul edib
- Parlament növbəti ilin yaşayış minimumunu təsdiqləyib
- Parlament gələn ilin büdcə zərfini müzakirə edir
- Parlament 18 Oktyabrla bağlı layihəni qəbul edib
- Parlamentin növbədənkənar sessiyası başa çatıb
- Parlamentin Ailə, qadın və uşaq məsələləri komitəsinin iclası keçirilib
- Parlament binasına ildırım düşdü