Gömrükdən pirotexniki vasitələri gizlədərək keçirməyə cəhd edilib


19:06     01 Fevral 2020 20_02_01_1580569673.jpg

Qərb Ərazi Baş Gömrük İdarəsinin "Qırmızı Körpü" gömrük postunda Gürcüstandan gələn, Azərbaycan Respublikası vətəndaşının idarə etdiyi "Qaz 3110" markalı nəqliyyat vasitəsi saxlanılıb və sürücüsü şifahi sorğu-sual olunub.

Dövlət Gömrük Komitəsindən (DGK) Femida.az-a verilən məlumata əsasən, sorğu-sual zamanı vətəndaş idarə etdiyi nəqliyyat vasitəsində gömrük nəzarətindən gizlədilən və bəyan edilməyən hər hansı predmetin olmadığını bildirib.

Yoxlama zamanı avtomobilin salonunda, yan örtüklərin içərisində gömrük nəzarətindən gizlədilən, üzərində "Magical Candle 40 Ball" yazısı olan 400 ədəd fişəng aşkarlanıb.

Faktla bağlı araşdırma aparılır.

Femida.az

Açar sözlər:

Oxunub: 835