İstifadə olunmayan məzuniyyətə görə iş yerindən pul tələb edilə bilərmi? - Hüquqi maarifləndirmə
15:34 05 Fevral 2020
Bəzi işçilər müəyyən səbəblərdən uzun müddət məzuniyyət haqqından istifadə etmirlər. Bəs bunun əvəzindən iş yerindən pul tələb edilə bilərmi?
Femida.az -ın məlumatına görə, bu halda işçiyə pul verilə bilər. Əmək müqaviləsinə xitam verilməsinin səbəbindən və əsasından asılı olmayaraq işçiyə işdən çıxan günədək istifadə etmədiyi bütün iş illərinin əsas məzuniyyətlərinə görə pul əvəzi ödənilməlidir. Lakin əmək münasibətlərinə xitam verilərkən əlavə məzuniyyətlərə, təhsil və yaradıcılıq məzuniyyətlərinə, habelə sosial məzuniyyətlərə görə pul əvəzi verilmir.
Bəzən iş yerində bütün işçilər eyni vaxtda əmək məzuniyyətinə çıxmaq arzusunda olur. Belə hallarda müəssisə rəhbərliyi nə etməlidir?
İşçilərin növbəlilik əsasında məzuniyyətə çıxmasına yol verilir. İşəgötürən normal iş gedişini tənzimləmək məqsədilə əmək məzuniyyətlərinin verilməsi üçün növbəlilik cədvəlləri tərtib edilə bilər. Əmək məzuniyyətlərinin verilmə növbəsi həmkarlar ittifaqları təşkilatının, o olmadıqda isə işçinin rəyi öyrənilməklə işəgötürən tərəfindən təsdiqlənir.
Hansı işçilər öz arzularına uyğun vaxtda əmək məzuniyyətinə çıxa bilərlər?
14 yaşınadək iki və daha çox uşağı olan, yaxud sağlamlıq imkanları məhdud uşağı olan qadınlara, 16 yaşınadək uşaqları təkbaşına böyüdən valideynə və ya qəyyuma əmək məzuniyyətinin onların öz arzusuna uyğun olan vaxt üçün təyin edilir. Həmçinin hərbi qulluqçunun arvadı (əri), əlillər, müharibə veteranları, Çernobıl AES-də qəzanın nəticələrinin aradan qaldırılması zamanı radioaktiv şüalanmaya məruz qalaraq sağlamlığı pozulmuş və ya şüalanma xəstəliyinə düçar olmuş şəxslər, yaşı on səkkizdən aşağı olan işçilər, işləməklə yanaşı təhsil alan şəxslər də arzularına uyğun olaraq onlar üçün ilin əlverişli vaxtında əmək məzuniyyətinə buraxılırlar. Azərbaycan xalqı qarşısında xüsusi xidmətlər göstərmiş vətəndaşlara da özləri müəyyən etdikləri vaxtda məzuniyyətə çıxmaq hüququ verilir.
Müəssisədə işlədiyi müddətdən asılı olmayaraq işçinin arzusu ilə əmək məzuniyyəti arvadının hamiləliyə və doğuşa görə məzuniyyətdə olduğu dövrdə verilə bilər.
Femida.az
Oxunub: 1053
Oxşar xəbərlər
- İstifadə müddəti bitən müxtəlif növ qida məhsulları məhv edilib
- İstifadə müddəti bitən müxtəlif növ qida məhsulları məhv edilib
- İstifadəyə yararsız 38 kq quru maya məhsulu məhv edildi
- İstifadəyə yararsız külli miqdarda ördək əti məhv edildi
- İstifadə edilməmiş seçki bülletenlərinin taleyi necə olacaq?
- İstifadə edilməyən məzuniyyətin pulu necə ödənilir? - HÜQUQİ YARDIM
- İstifadəyə yararsız 300 kq ət aşkarlanıb
- İstifadəyə yararsız 205 kq ət aşkarlanıb
- İstifadə olunmuş batareyaların toplanmasına başlandı