Azərbaycanda yeni vəkil büroları təsis edildi
20:38 06 Fevral 2020
Bu gün Vəkillər Kollegiyasının Rəyasət Heyətinin növbəti iclası keçirilib.
Femida.az xəbər verir ki, İclası giriş sözü ilə açan Kollegiyanın sədri Anar Bağırov iclas iştirakçılarına Kollegiyanın cari fəaliyyəti, vəkilliyə qəbul üzrə 31 yanvar 2020-ci il tarixdə keçirilmiş yazılı test imtahanının nəticələri, o cümlədən ixtisas imtahanlarının şifahi mərhələsinin gedişatı barədə məlumat verib. İclasda Vəkillər Kollegiyasının Rəyasət Heyəti və vəkil qurumlarının "Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı" fəaliyyəti üzrə nümunəvi daxili nəzarət sisteminin layihəsi müzakirə edilərək qəbul edilib. Bundan başqa, iclasda Vəkillər Kollegiyası üzvlüyünə qəbul, vəkillərin fəaliyyət göstərdikləri qurumdan başqa quruma keçmələri, bir sıra vəkillərin mükafatlandırılması ilə bağlı məsələlərə baxılıb, eyni zamanda, “Yusif Allahverdiyev və partnyorları” Vəkil Bürosu və "AAA" Vəkil Bürosunun təsis edilməsi ilə bağlı müraciətlərə baxılaraq müsbət qərar verilib. İclas çərçivəsində bir sıra intizam məsələlərinə baxılıb, müvafiq qərarlar qəbul edilib. Sonda Vəkillər Kollegiyasının fəaliyyəti ilə əlaqədar əhəmiyyət kəsb edən sair məsələlərə baxılıb.
Femida.az
Oxunub: 1665
Oxşar xəbərlər
- Azərbaycanda karantin rejimi qaydalarını pozan vəkil həbs edilib
- Azərbaycanda vəkil vəfat etdi
- Azərbaycanda vəkil koronavirusdan vəfat etdi
- Səfərbərlik nədir və hansı hallarda elan edilir? – QANUN
- Cinayət-Prosessual Məcəlləsində dəyişiklik edilir
- Bu vəkillər üzvlük haqqından azad olunub
- Azərbaycanda 2 vəkil koronavirusa yoluxub
- Vəkil: "Bütün məhdudiyyətlər sağlamlığın və həyatın qorunması üçün tətbiq edilir"
- Vəkillər Kollegiyası vəkil Cavad Cavadova xəbərdarlıq edib
- Vəkil: “Pandemiya “Fors-major” halı hesab edilir”
