Kliniki Tibbi Mərkəzdə 3 nəfər var - Koronavirusa görə


09:49     07 Fevral 2020 xestexana9.jpg

Azərbaycan Respublikası Səhiyyə Nazirliyi və İcbari Tibbi Sığorta üzrə Dövlət Agentliyinin mətbuat xidmətləri birgə məlumat yayıb.


Səhiyyə Nazirliyindən Femida.az-a verilən məlumata görə, Kliniki Tibbi Mərkəzdən bildirilib ki, fevral ayının 7-si üçün yoluxucu xəstəliklər şöbəsində 3 nəfər var.

Xəstəxanada olanların səhhətində ciddi problem aşkarlanmayıb. Həkim müşahidələri davam edir: "Bir daha qeyd edirik ki, bu insanlar Çinin koronavirus qeydə alınmayan şəhərlərində olublar. Onların xəstə şəxslərlə kontaktı olmayıb. Xəstəlik alovlanan ərazidən gələnlər isə xüsusi ayrılmış tibb müəssisəsində saxlanılırlar. Həmin tibb müəssisəsindən verilən məlumata görə, onların da səhhətində hər hansı bir problem aşkarlanmayıb. Karantin müddətinin sonunda onlar da evlərinə buraxılacaqlar".

Qeyd edək ki, rəsmi qurumların fevralın 5-də yaydığı məlumatda Çindən gələn 7 nəfərin Kliniki Tibbi Mərkəzin yoluxucu xəstəliklər şöbəsinə yerləşdirildiyi bildirilmişdi. Onlardan biri dünən xəstəxanadan buraxılmışdı.

Açar sözlər:

Oxunub: 734