Seçkilər qanunvericiliyə uyğun şəkildə keçirilir - MDB müşahidə missiyasının rəhbəri
11:05 09 Fevral 2020
Mərkəzi Seçki Komissiyası və məntəqə seçki komissiyaları seçkilərin mütəşəkkil, açıq və azad keçirilməsini təmin etmək üçün çox böyük işlər görüb.
Femida.az-ın məlumatına görə, bunu MDB müşahidə missiyasının rəhbəri, MDB İcraiyyə Komitəsi sədrinin birinci müavini Viktor Quminski deyib.
Onun sözlərinə görə, parlament seçkiləri qanunvericiliyə uyğun şəkildə keçirilir.
V.Quminski bildirib ki, seçici fəallığı və namizədlərin çoxluğu, əhalinin qanunverici orqana inamın artdığını və vətəndaşların ölkənin taleyinə, çiçəklənməsinə biganə qalmadığını göstərir.
Qeyd edək ki, bu gün Azərbaycanda növbədənkənar parlament seçkiləri keçirilir. Seçkilərdə 1314 nəfər namizəd qeydiyyata alınıb.
Namizədlərdən 246 nəfəri 19 siyasi partiyanın təmsilçisidir, 1057 nəfəri fərdi qaydada namizədliyini irəli sürüb, 11 nəfərin namizədliyi isə təşəbbüs qrupu tərəfindən irəli sürülüb. Namizədlərin 21 faizi qadınlar, 79 faizi isə kişilərdir.
Seçki günü ərzində Azərbaycanda 125 dairə üzrə 5573 daimi seçki məntəqəsi fəaliyyət göstərəcək.
Səsvermədə 5 milyon 329 min 460 seçici iştirak edəcək. 573 məntəqədə 340 689 məcburi köçkün səs verəcək.
Seçkilərin gedişini 883 beynəlxalq və 77790 yerli müşahidəçi izləyəcək. Yerli müşahidəçilərdən 35 152-i siyasi partiyaların müşahidəçiləridir. Beynəlxalq müşahidəçilər 58 ölkəni və 59 təşkilatı təmsil edir.
Femida.az
Oxunub: 833
Oxşar xəbərlər
- Seçkilərlə bağlı iclas bu tarixdə keçiriləcək - Konstitusiya Məhkəməsi açıqladı
- Seçkilərin ilkin NƏTİCƏLƏRİ
- Seçkilərdə müşahidəçi olmaq istəyənlər üçün müddət başa çatır
- Seçkiləri müşahidə edəcək şəxslərin sayı açıqlandı
- Seçkilərdə müşahidə aparmaq üçün müraciət müddəti başa çatır
- Seçkilərdə iştirak edəcək bəzi siyasi partiyaların adları müəyyənləşib
- Seçkilərlə əlaqədar 5 milyon bildiriş çap olunacaq
- Seçkilərdə iştirak üçün 15226 vətəndaş DSK-lara müraciət edib
- Seçkilərlə bağlı yekun protokol Konstitusiya Məhkəməsinə göndərildi
- Seçkilərlə bağlı müşahidəçilərə təlim keçirildi