Rusiya Türkiyə ilə vizasız gediş-gəlişi dayandırır
14:11 28 Noyabr 2015
Yanvarın 1-dən Rusiya ilə Türkiyə arasında vizasız gediş-gəliş dayandırılacaq.
Bu barədə Rusiyanın xarici işlər naziri Sergey Lavrov Suriya xarici siyasət idarəsinin rəhbəri Valid Muallem ilə birgə mətbuat konfransında bildirib. Nazir deyib ki, bu qərar Rusiya Federasiyasının və ölkə vətəndaşlarının təhlükəsizliyi ilə əlaqədar qəbul edilib.
İki ölkə arasında vizasız gediş-gəliş haqqında saziş 2010-cu ildə imzalanıb. Sənədə əsasən, bir ölkənin vətəndaşları digər ölkədə 30 gün ərzində vizasız qala bilərlər. 2013-cü ildə Türkiyə birtərəfli qaydada bu müddəti 60 günədək uzadıb.
Eyni zamanda, bu gün məlum olub ki, Rusiya TÜRKSOY ilə bütün əlaqələri kəsir. Rusiyanın mədəniyyət naziri Vladimir Medinski bu ölkənin türksoylu respublikalarına – Altay, Başqırdıstan, Saxa, Tatarıstan, Tıva, Xakasiya respublikalarına müvafiq teleqram göndərib.
Teleqramda deyilir ki, Rusiyanın subyektləri TÜRKSOY beynəlxalq təşkilatı ilə bütün əlaqələri kəsməlidirlər.
Oxunub: 834
Oxşar xəbərlər
- Rusiya aviabazasına böyük zərbə - Suriyada
- Rusiyada kütləvi dava - Azərbaycanlı ağır yaralandı
- Rusiyada yaşayan azərbaycanlı alim vəfat etdi
- Rusiyada qəza: 10 nəfər ölüb
- Rusiya səfirininin ölümü ilə bağlı HƏBS QƏRARI
- Rusiyada həmyerlimiz 12 il azadlıqdan məhrum edildi
- Rusiya polisi `Lotu Quli`ni axtarır
- Rusiya Kamçatkada yeni ordu yaradır
- Rusiya Mərkəzi Bankının sədri ABŞ-ı hədələdi
- Rusiya telekanalında azərbaycanlı və erməni ekspertlər əlbəyaxa oldu - VİDEO