XİN: Qarabağ məsələsi Putin və Lavrovun diqqətindədir
16:21 11 Fevral 2020
“Qarabağ məsələsi Rusiya Prezidentinin və Xarici İşlər nazirinin diqqət mərkəzindədir".
Femida.az azvision.az-a istinadən xəbər verir ki, bunu Rusiyanın Xarici İşlər nazirinin müavini Andrey Rudenko “RİA Novosti”yə müsahibəsində deyİb.
Onun sözlərinə görə, Rusiyanın birbaşa köməyi ilə imzalanan sənədlər arasında hələ də atəşkəs üçün əsas olan 1994-cü il sazişi var.
“Ölkəmizin vasitəçilik səylərindəki vacib addım 2008-ci ildə Dağlıq Qarabağ münaqişəsinin siyasi yolla həllinə aid olan Moskva bəyannaməsinin qəbul edilməsi oldu. Bu, Azərbaycan və Ermənistan liderlərinin imzaladığı Qarabağ nizamlanması ilə bağlı ilk və bu günə qədər yeganə sənəddir. Bildiyiniz kimi, Rusiya Azərbaycan və Ermənistanın Baş Qərargah rəislərini Moskvaya dəvət etməklə 2016-cı ildə genişmiqyaslı hərbi əməliyyatların başa çatmasında həlledici rol oynadı”, - deyə nazir müavini vurğulayıb..
XİN rəsmisi deyib ki, Rusiya vasitəçilik missiyasını Fransa və Amerikadan olan tərəfdaşları ilə sıx əlaqədə həyata keçirir.
“Keçən ilin aprel ayında Moskvada Sergey Lavrov ATƏT-in Minsk qrupu həmsədrlərinin də qatıldığı Ermənistan və Azərbaycan xarici işlər nazirlərinin görüşünü təşkil etdi. Bundan sonra keçən il Vyanada iki ölkənin liderləri İlham Əliyevlə Nikol Paşinyan arasında əldə edilmiş razılaşmalar üzrə konkret təkliflər işlənib hazırlanmışdı. Bunlar arasında münaqişə zonasında vəziyyətin daha da sabitləşməsi, tərəflərin ərazisində həbsdə olan şəxslərin taleyi ilə bağlı tədbirlər var. Həmçinin, media nümayəndələrinin qarşılıqlı səfərləri ilə bağlı razılıq əldə olundu və tənzimlənmənin bəzi əsas məsələlərinə baxıldı.
Bu təkliflərin bir qismi həyata keçirilib. Sərhəddə və təmas xəttində vəziyyət nisbətən sakit olaraq qalır. İrəvan ilə Bakı arasında rabitə xətti var. Jurnalistlərin qarşılıqlı səfərləri həyata keçirildi. Zaven Karapetyan və Elvin İbrahimov geri qaytarıldı. Digər məhkumlarla bağlı iş davam edir. BQXK da bu tədbirlərə qatılıb.
Hesab edirik ki, bütün bunlar tərəflərin əhalini sülhə hazırlamağa yönəlmiş konkret addımlar atmaq niyyətindən xəbər verir. Bu, xüsusən Ermənistan və Azərbaycan xarici işlər nazirlərinin Cenevrədəki son iclasında müzakirə edildi. Tərəflər kompromis mübadilə axtarışlarını davam etdirməyə hazır olduqlarını bəyan edirlər. Bu münasibəti dəstəkləyirik. İşin davam etməsi üçün əsas var. Vacib olanı siyasi iradə göstərməkdir”.
Femida.az
Oxunub: 562
Oxşar xəbərlər
- XİN Azərbaycanın hərbi cinayətlərdə ittiham olunmasına münasibət bildirib
- Rusiya səfiri Finlandiya XİN-ə çağırılıb
- Belarus səfiri Ermənistan XİN-ə çağırılıb
- Azərbaycan XİN: "Ermənistan bölgədə vəziyyəti gərginləşdirmək istəyir"
- XİN: Ermənistanı beynəlxalq öhdəliklərə əməl etməyə çağırırıq
- XİN: "Azərbaycan səfirliklərinin hücuma məruz qaldığı ölkələrə ismarışlar göndərilib"
- Azərbaycan XİN: "Azərbaycanın ərazi bütövlüyünə qarşı hər bir addımların qarşısı qətiyyətlə alınacaq"
- Azərbaycan XİN: "Ermənistanın əsassız ittihamlarını qətiyyətlə rədd edirik"
- XİN-də işə qəbul imtahanlarının nəticələri açıqlanıb
- Ukrayna XİN ABŞ-ı silah tədarükünə nəzarət tələblərindən imtina etməyə çağırıb