Ombudsman Aparatının əməkdaşları Memorial Soyqırımı Muzeyində olub
15:23 19 Fevral 2020
Azərbaycan Respublikasının İnsan Hüquqları üzrə Müvəkkili (Ombudsman) Aparatının bir qrup əməkdaşı Hərbi Prokurorluqda fəaliyyət göstərən Memorial Soyqırımı Muzeyində olub.
Aparatın Mətbuat xidmətindən Femida.az-a bildirilib ki, əvvəlcə Hərbi Prokurorluğun inzibati binasında müasir müstəqil Azərbaycan dövlətinin banisi, xalqımızın Ümummilli Lideri Heydər Əliyevin büstü ziyarət olunub.
Azərbaycan Respublikasının Hərbi prokuroru Xanlar Vəliyevin təşəbbüsü ilə yaradılan və 2014-cü il fevralın 24-də açılışı olan muzey XX əsrin əvvəllərindən etibarən erməni-bolşevik silahlı dəstələrinin Azərbaycan torpaqlarında həyata keçirdikləri kütləvi qırğınlar nəticəsində həlak olan on minlərlə azərbaycanlının xatirəsinə həsr edilib. Bu muzeyin Azərbaycan xalqının gələcək nəsillərinin qan yaddaşının qorunmasına və soyqırımı qurbanlarının xatirəsinin əbədiləşdirilməsinə xidmət edən tarixi özündə əks etdirdiyi diqqətə çatdırılıb.
Dörd bölmədən - tarix, deportasiya-repressiya, soyqırımı və terror bölməsindən ibarət olan Memorial Soyqırımı Muzeyində 1992-ci il fevralın 25-dən 26-na keçən gecə erməni silahlı birləşmələrinin və keçmiş sovet ordusunun 366-cı alayının Xocalı şəhərinə birgə hücumunu, Xocalı və ətraf ərazilərin işğalını əks etdirən maket yer alıb.
Muzeydə, həmçinin müxtəlif sənəd və fotolar, bir sıra digər eksponatlar sərgilənir. Erməni terrorçularının hücum zamanı istifadə etdikləri partladıcı qurğuların, güllə başlıqlarının hadisə yerindən götürülmüş nümunələri də muzeydə saxlanılır.
Tanışlıq zamanı muzeydə saxlanılan, tarixi həqiqətləri, o cümlədən Xocalı soyqırımı haqqında reallığı özündə əks etdirən eksponatlar barədə ətraflı məlumat verilib.
Sonda erməni vandalları tərəfindən Azərbaycan xalqına qarşı həyata keçirilmiş soyqırımı və deportasiyaları tarixi sənədlər, istintaq materialları və şahid ifadələri əsasında əks etdirən “Əsrin faciəsi” adlı sənədli film nümayiş etdirilib.
Femida.az
Oxunub: 553
Oxşar xəbərlər
- Ombudsman 31 Mart - Azərbaycanlıların Soyqırımı Günü ilə bağlı bəyanat yayıb
- Ombudsman Rusiyada erməninin azərbaycanlı həkimə xəsarət yetirməsini pisləyib
- Ombudsman erməni terrorçunun Azərbaycan hərbçilərinə qumbara atmasını pisləyib
- Ombudsman İmişlidə 11 yaşlı qızın zorlanmasına münasibət bildirib
- Ombudsman Bolqarıstan rəsmisini Ermənistan cinayətləri ilə bağlı məlumatlandırıb
- Ombudsman Ermənistanın cinayətləri ilə bağlı dünya birliyinə müraciət edib
- Ombudsman Gəncə terrorunun ildönümü ilə bağlı bəyanat yayıb
- Ombudsmanlar azad edilmiş ərazilərlə bağlı bəyanat qəbul edib
- Ombudsmanlar Şuşada səfərdədilər
- Ombudsman Aparatına yeni mətbuat katibi təyin olunub