Bu il daha üç rayonda peşə mərkəzi açılacaq
19:49 24 Fevral 2020
Əmək və Əhalinin Sosial Müdafiəsi Nazirliyi tərəfindən peşə hazırlığı mərkəzləri şəbəkəsinin respublikamızın regionları üzrə genişləndirilməsi işləri bu il daha üç rayonda davam etdiriləcək.
ƏƏSMN-dən Femida.az-a verilən məlumata görə, nazirliyin 2020-ci il üzrə planına əsasən, Bərdə, Quba və Şəki rayonlarında peşə tədrisi mərkəzlərinin yaradılması nəzərdə tutulur. Məqsəd həmin bölgələrdə işsiz və işaxtaran vətəndaşlar üçün müasir tələblərə uyğun peşə hazırlığı infrastrukturunun formalaşdırılması, bu sahədə xidmətin keyfiyyətinin və bölgədə yaşayan müvafiq şəxslərə əlçatanlığının artırılmasıdır.
Peşə hazırlığı şəbəkəsinin bölgələr üzrə genişləndirilməsi işləri çərçivəsində ötən il nazirlik Gəncə şəhərində də Peşə Hazırlığı Mərkəzini istifadəyə verib. İl ərzində həmin mərkəzdə Gəncə şəhəri və ətraf rayonlar üzrə 900 nəfərin peşə hazırlığının təşkili nəzərdə tutulur.
Xatırladaq ki, son bir ildə nazirlik yanında Dövlət Məşğulluq Xidməti tərəfindən 3200-ə yaxın işsiz və işaxtaran vətəndaş peşə hazırlığı kurslarına cəlb edilib. Cari ildə bu rəqəmin 5 minə çatdırılması planlaşdırılıb.
Femida.az
Oxunub: 553
Oxşar xəbərlər
- İlham Əliyev Füzulidə Peşə Liseyinin təməlini qoyub
- "Vaşinqton Post" Azərbaycan Ordusunun İkinci Qarabağ müharibəsindəki peşəkarlığından yazıb
- Diaqnostik qiymətləndirilmədən keçən peşə təhsili müəssisələrinin müəllimlərinin maaşı artırılıb
- Peşə hazırlığına cəlb olunan şəxslərə təqaüd veriləcək
- “Peşə təhsili haqqında” qanuna dəyişikliklər təsdiqlənib
- Peşə təhsili pilləsi üzrə təqaüdlərin təyin olunması və ödənilməsi qaydası dəyişib
- Peşə məktəblərinin tələbələrinin təqaüdləri artırılıb
- Azərbaycanda yeni peşə təhsili ixtisasları yaradılıb
- Azərbaycanda peşə təhsili alanlara attestat da veriləcək
- Azərbaycanda peşə məktəblərində tədris kredit sistemi ilə təşkil ediləcək