Keçmiş arvadının ərə gedəcəyini eşidən kişi cinayətə əl atdı - MƏHKƏMƏ
21:34 24 Fevral 2020
Bakı Ağır Cinayətlər Məhkəməsində keçmiş qayınatasını qətlə yetirməkdə təqsirləndirilən Səfər Qurbanovun cinayət işi üzrə hazırlıq iclası keçirilib.
Femida.az -ın xəbərinə görə, hakim İlham Mahmudovun sədrliyi ilə keçirilən prosesdə anket məlumatları dəqiqləşdirilib. Baxış iclası fevralın 25-də keçiriləcək.
Qeyd edək ki, hadisə ötən il oktyabr ayında Xaçmazın Qımıl kəndində baş verib. Kənd sakini, 1961-ci il təvəllüdlü Qədirov Əlihüseyn Cəlil oğlu keçmiş kürəkəni, 1990-cı il təvəllüdlü Qurbanov Səfər İlham oğlu tərəfindən bıçaqlanıb. S.Qurbanov keçmiş qayınatasına 8 bıçaq zərbəsi vurub. Yaralı xəstəxanaya aparılarkən yolda dünyasını dəyişib.
İlkin məlumata görə, S.Qurbanov 2017-ci ildə Ə.Qədirovun qızından rəsmi qaydada ayrılaraq ikinci dəfə ailə həyatı qurub. Hadisədən bir neçə gün əvvəl keçmiş arvadı G.Qədirovanın başqası ilə ailə qurmaq istəməsi barədə eşidib və keçmiş qayınatasının evinə gedərək yayılan xəbərə etirazını bildirib. Yaranmış mübahisə zamanı özü ilə gətirdiyi bıçaqla keçmiş qayınatasına bıçaqla 8 dəfə xəsarət yetirib.
S.Qurbanova Cinayət Məcəlləsinin 120.1-ci (qəsdən adam öldürmə) maddəsi ilə ittiham verilib.
Oxunub: 734
Oxşar xəbərlər
- Keçmiş məhkum Bakı sakininin bank hesabından 800 manat oğurlayıb
- Keçmiş SSRİ-nin tanınmış aktyoru vəfat edib
- Keçmiş bələdiyyə sədri zəhərlənmədən ölüb
- Keçmiş məhkumlardan kimlərə birdəfəlik müavinətin verildiyinə aydınlıq gətirilib
- Keçmiş müdafiə naziri Yaponiyanın yeni XİN rəhbəri olacaq
- Keçmiş arvadını boğaraq öldürən kişiyə 16 il iş verildi
- Keçmiş SSRİ-nin tanınmış aktrisası itkin düşüb
- Keçmiş icra başçısının türmədə ölüm səbəbi açıqlandı
- Keçmiş arvadını qətlə yetirən şəxsin cinayət işi məhkəməyə göndərilib
- Keçmiş məhkum 800 manatlıq viski oğurladı