“Sabir bağı”ndakı bıçaqlanma ilə bağlı məhkəmə olacaq

09:29 25 Fevral 2020

Bakı Ağır Cinayətlər Məhkəməsində qəsdən sağlamlığa ağır xəsarət yetirməkdə təqsirləndirilən Seymur Əliyevin cinayət işi üzrə hazırlıq iclası keçirilib.

Femida.az xəbər verir ki, hakim Əfqan Hacıyevin sədrliyi ilə keçirilən hazırlıq iclasında anket məlumatları dəqiqləşdirilib.

Baxış iclası martın 5-nə təyin edilib.

Qeyd edək ki, hadisə ötən ilin iyul ayında Səbail Rayonu ərazisində baş verib.

Belə ki, 1996-cı il təvəllüdlü Talıbov Kamran Akif oğlu “Sabir bağı” ərazisində bıçaqlanıb.

1 saylı Kliniki Tibbi Mərkəzə yerləşdirilən yaralıya qarının ön divarının kəsilmiş-deşilmiş yarası diaqnozu qoyulub.

Hadisəni törətməkdə təqsirləndirilən S.Əliyevə Cinayər Məcəlləsinni 126.2.4-cü (ümumi təhlükəli üsulla, xuliqanlıq niyyətilə qəsdən sağlamlığa ağır zərər vurma) maddəsi ilə ittiham verilib.

Femida.az