Aprel şəhidi Nəcməddin Savalanovun doğum günüdür
10:38 26 Fevral 2020
Bu gün aprel şəhidi Nəcməddin Savalanovun doğum günüdür.
Femida.az xatırladır ki, Nəcməddin Savalanov 1985-ci ilin 26 fevralında İmişlinin Göbəktala kəndində anadan olub. Orta təhsilini Göbəktala kənd tam orta məktəbində tamamladıqdan sonra, Heydər Əliyev adına Azərbaycan Ali Hərbi Məktəbinə daxil olub və oranı "Taktiki mühəndis qoşunları komandiri" ixtisası üzrə bitirib. Leytenant rütbəsi aldıqdan sonra N saylı hərbi hissədə mühəndis tağım komandiri vəzifəsinə təyinat alıb.
Burda kapitan rütbəsinə qədər yüksələn Savalanov 2016-cı ilin aprelində Azərbaycan-Ermənistan təmas xəttində baş verən atışma zamanı ayağından və çiynindən ağır qəlpə yarası alıb. Müalicə olunmaq üçün Bakıya - Silahlı Qüvvələrin Baş Klinik Hospitalına gətirilib. Burada bir müddət müalicə alsa da, onun həyatını xilas etmək mümkün olmayıb. Nəcməddin mayın 8-də şəhidlik zirvəsinə yüksəlib.
Mayın 9-da Nəcməddin Savalanov doğulduğu İmişli rayonunun Göbəktala kəndində son mənzilə yola salınıb. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri iştirak edib.
Nəcməddin Savalanov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "İgidliyə görə" medalı ilə təltif edilib. Özündən sonra Nəcməddinin iki qız, bir oğlan övladı yadigar qalıb.
N.Savalanovun dəfni
Hazırladı: Amin Nəzərli
Femida.az
Oxunub: 4057
Oxşar xəbərlər
- Şəhid və qazi övladlarına psixoloji dəstəklə bağlı tədbir keçirilib
- Şəhid və şəhid ailəsi üzvləri kimlərdir? - Hüquqi yardım
- Zakir Həsənov şəhid ailələrinə başsağlığı verib
- Vətən müharibəsində şəhid olan və yaralanan sərhədçilərin sayı açıqlanıb
- Bu gün şəhidlərin xatirəsi bir dəqiqəlik sükutla yad ediləcək
- Sosial şəbəkələrdə "şəhid bacısı” adı altında vətəndaşlardan pul toplayan kişi saxlanılıb
- ŞƏHİDLƏRİMİZ VAR
- Azərbaycan Silahlı Qüvvələrinin daha 21 hərbçisi şəhid olub - SİYAHI
- Şəhid anaları Ordumuz üçün dua etdi – VİDEO
- Ata-anası olmayan şəhidi xalq belə ağladı - DƏFNDƏN ÜRƏKDAĞLAYAN VİDEO