DTX-nin həbs etdiyi casus zabitə ən ağır cəza verildi
13:46 26 Fevral 2020
Dövlət Təhlükəsizliyi Xidmətində (DTX) başlanılaraq istintaqı aparılmış daha bir cinayət işi üzrə məhkəmə qərarı elan olunub. Söhbət Azərbaycanın keçmiş Milli Təhlükəsizlik Nazirliyində mühüm vəzifələrdə çalışmış İsmayılov Zakir Əlibala oğluna qarşı cinayət işindən gedir. O, dövlətə xəyanətdə ittiham olunur.
İstintaqla müəyyən edilib ki, xarici xüsusi xidmət orqanları tərəfindən maddi maraq müqabilində, xüsusi təxəllüs verilməklə məxfi əməkdaşlığa cəlb edilmiş Azərbaycan Respublikasının vətəndaşı, 1959-cu il təvəllüdlü İsmayılov Zakir Əlibala oğlu keçmiş Milli Təhlükəsizlik Nazirliyində şöbə rəisi və digər məsul vəzifələrdə işlədiyi dövrdə Azərbaycan Respublikasının dövlət təhlükəsizliyi və milli maraqları zərərinə fəaliyyət göstərərək, tutduğu vəzifələrə görə ona məlum olan, habelə əldə edə bildiyi əks-kəşfiyyat fəaliyyəti üzrə sənədlər, şəxsi heyət barədə və digər məxfi məlumatları, eləcə də 2015-ci ildən etibarən təqaüddə olduğu dövrdə keçmiş əlaqə və imkanlarından istifadə edərək təhlükəsizlik orqanlarında baş verən dəyişikliklər barədə məlumatları, Azərbaycan xüsusi xidmət orqanlarına qarşı kəşfiyyat işlərinin mümkün üsulları barədə təhlillərini müntəzəm xarici xüsusi xidmət orqanına təqdim etməklə dövlətə xəyanət edib.
Məlumata görə, Zakir İsmayılovun məhkəmə istintaqı yekunlaşıb və Bakı Apellyasiya Məhkəməsinin qərarı ilə o, ömürlük azadlıqdan məhrum edilib.
Femida.az
Oxunub: 850
Oxşar xəbərlər
- DTX-nin həbs etdiyi “Broker Əbülfəz” kimdir?
- DTX-nin işçilərinin ştat sayı həddində dəyişiklik edilib
- DTX-nin həbs etdiyi xidmət rəisinin məhkəməsinin vaxtı məlum olub
- DTX-nin həbs etdiyi xidmət rəisinin cinayət işi məhkəməyə göndərilib
- DTX-nin rəisi Türkiyəyə başsağlığı verib
- DTX-nin Şuşa şəhər idarəsi təsis edildi
- DTX-nin həbs etdiyi sabiq XİN vəzifəliləri ev dustaqlığına buraxılıblar
- DTX-nin tutduğu XİN-in yüksək vəzifəli şəxsi: “10 faizini özümə götürürdüm” - VİDEO
- DTX-nin keçirdiyi əməliyyatda DSX-nin üç rəis saxlanılıb
- DTX-nin strukturunda dəyişiklik edilib